"خليكم فى البيت.. أنا جبانة".. زينة تعتذر وتوجه تحذيرا شديدا لمواجهة كورونا| فيديو

اعتذرت الفنانة زينة عن فيديو بثته في وقت سابق حول فيروس كورونا، الذي نشر الخوف بين المواطنين.
وبثت زينة فيديو على صفحتها الشخصية على موقع التواصل الاجتماعي "فيسبوك": وقالت: مش عيب الواحد يعتذر...أنا بعتذر لأنى صحابي قالولى أنك كده بتخوفي الناس وبعترف إنى أسأت التصرف".
وأضافت زينة "أنا جبانة جدا عشان عندى أولادى وأمى واهلى بخاف عليهم عشان كده أنا كنت خايفة ومرعوبة".
ونصحت زينة جمهور المتابعين وقالت: "نصيحة لكل واحد يقعد في البيت ومايخرجش خالص يقعد جنب أهله.. مفيش أحلى من قعدة البيت".
وأوضحت زينة "إحنا مضطرين ننزل من بيتنا عشان نشتغل وعندنا مسئوليات والدنيا ما بترحمش.. ربنا يسترها علينا وتعدى الأزمة على خير وينتهى الفيروس من العالم كله".
وتمنت زينة قائلة "ياريت كنت أقدر أقعد في بيتى.. يعلم ربنا الواحد بيخرج وحالته أزاى وبيرجع البيت حاسة إنى وباء.. مش عايزة ادخل البيت خوفا من إيذاء أحد ولا عارفة أنام والواحد أعصابه بايظة".
زينة تعتذر وتوجه تحذيرا شديدا لمواجهة كورونا