تعرف على رسالة أديب لأمير قطر والإخوان

أذاع الإعلامي عمرو أديب، تسريب نشره المقاول محمد علي، يتضمن محادثة جديدة له مع الإخوانى الهارب بتركيا هاني صبري، حيث يتحدث هاني صبري عن التجهيز لمظاهرات في 25 ديسمبر، ويطالبه بتوفير مصدر للتمويل، لتدريب مجموعات على الكر والفر.
وأضاف "أديب"، ببرنامج "الحكاية" المذاع عبر فضائية "إم بي سي مصر": "25 ديسمبر السنة اللى فاتت كان فى دعوات، ومشوفناش حاجة، تلاقى كان في ماتش للأهلي وأكيد كسب"، موجهاً حديثه للإخوان "إشمعنا 25 من كل شهر بتدعو للتظاهر، لو عايزين تعملوا ثورة مش لازم يكون يوم 25 ممكن تختاروا يوم 5 تكون لسه الناس قابضة".
وأكد اديب أن هناك فشلا ذريعا للمعارضة في الخارج: "الناس دي مش عايزة ثورة، تعالوا أنتم انزلوا ميدان التحرير، ليه بتولعوا في الناس اللي هنا، نزلوا أولادكم"، متابعا: "أنتم عايشين في الشاورما والفلوس والستات، وربنا عايز يفضحهم، لو عايز يسترهم مكنش فضحهم صوت وصورة".
موجهاً رسالة إلى أمير قطر، "يا سمو الأمير تميم غير الشلة اللي معاكم، وغير الطقم بتاع إسطنبول، دول ناس متهاكة في كل المواقع، الأمن المصري بيلعب لوحد، أنا عاوز منافسة، أنا بلعب لوحدي، والأمن المصرى مش لاقى منافس ليه".