عمرو سعد عن وفاة هيثم زكي: مش هنسى كلامك عن الأخوة

نعى الممثل عمرو سعد، الفنان الشاب الراحل هيثم أحمد زكي، الذي رحل عن عالمنا في الساعات الأولى من صباح اليوم الخميس، عن عمر يناهز ال 35 عاما.
ونشر عمرو عبر صفحته الشخصية على موقع التواصل الاجتماعي: "إحساس صعب ومؤلم وصادم بيخليني أقف فجأة وكأن الحياة بتجبرنا ساعات نتأمل ونبص على كل اللي فات وساعتها تدخل الأحاسيس في بعضها كأن العربية فرملت فجأة وبعدها هدوء تام ...، فعلا حزنت وهربت دموع من جوايا كأنها كانت مكتوبة باسمك وكأنك أخويا وكأني مسئول عنك، وكأن إحساسك بالوحدة واليتم جوايا...، وفضل الإحساس ده يهاجمني من وقت للتاني مش عارف ليه وكان بيدفعني اطمن عليك أو أحاول أدعمك على قد ما أقدر".
وأكمل: "ومش هنسى لما قولتلي إنك بتحس إني أخوك ...، في ناس ممكن تقصر في حق الكلمة والوعد وتستمر الحياة الصعبة اللي بتزداد توحش وصراعات وأنانية نست الإنسان حاجات كتير قوي وتاهت فيها المسميات وبقت معانيها مزيفة لأن غاب عنها الإحساس ...، علشان كده يا هيثم أنت ما كنتش أنت بس اللي وحيد ..، والنهاردة انتهت وحدتك يا حبيبي ويتمك وضعفك، النهاردة أنت هتكون في حضن أغلى وأعز الناس أمك وأبوك ...، النهاردة أنت في أمان الله وفي رحمة الرحمن ...، النهاردة البداية مش النهاية طريق سفرك كان قصير وصعب خلي الحبايب تشبع من حضنك وانعم بنعمة الحب الصادق والقرب من الرحمن الرحيم وإحنا ما حليتناش حاجة غير شوية حزن وجرح جديد والدعاء ليك وأنا بدعيلك بكل صدق بالرحمة والخير وإن كان الطريق طويل أو قصير في يوم هنتلاقى..، سلام".