علق أحمد حسام ميدو المدير الفني السابق لوادي دجلة على هزيمة الزمالك أمس أمام الاتحاد السكندري وخروجه من بطولة كأس زايد للأندية الأبطال. وغرد ميدو عبر حسابه الشخصي بموقع التواصل "تويتر": "أي حد بيفهم كورة متابع الزمالك في الماتشات الأخيرة هيعرف من دلع بعض اللاعيبه أن الزمالك هيخسر ماتش". وأضاف: "أي حد بقى زمالكاوي وبيشجع الزمالك من سنين طويله هيعرف أن الماتش ده هيكون ماتش كبير وهيكلف الفريق بطوله". وتابع: "دلوقتي أنسب وقت تشجع الفريق والجهاز وتدعم كل الناس اللي في النادي". وأوضح: "تثبيت التشكيل مهم ماشي بس في شوية لاعيبه ضمنت مكانها في الفرقه وضمنت أنها هتلعب مهما كان مستواها!! الخسارة دي محتاجة 2 أو 3 لاعيبة يعاد النظر في تقييمهم!!". وأكمل: "خرجنا من البطولة العربية من الاتحاد.. البعض سيحاول أن يجعل من هذا الخروج مصيبة وكارثة على الفريق". وأردف: "هذه المباراة يجب أن تكون دافعًا كبيرًا لكل البطولات الذي يشارك فيها الزمالك هذا الموسم". وواصل: "مبروك لابن الزمالك المخلص كابتن حلمي ومبروك لجمهور الاتحاد السكندري العظيم". وختم قائلا: "وحياة أولادي.. ابني الكبير طلب مني امبارح تذاكر للماتش عايز أروح أنا وأصحابي.. قولتله لا ماتروحش هنتغلب!! والله عارف أنا واخد دكتوراة في الزمالك..".