طرح الفنان أحمد حلمى عبر صفحته الرسمية على موقع التواصل الاجتماعى فيسبوك بوستر الفيلم الوثائقي The Crew، والذي يشارك فيه مع مجموعة كبيرة من الفنانين ومنهم منى زكى، شريف منير، شريف عرفة، وحيد حامد، مدحت العدل، تامر حبيب وآخرون. وعلق حلمى: "الفيلم ده حقيقي فيلم مختلف جدا وتجربة جديدة، لو مكنتش شاركت فيها كنت خسرت . الفيلم بيتناول مشكلة جديدة بطريقة جديدة. وأضاف: "أبطاله اللي هتتفرجوا عليهم في الفيلم مش بس ممثلين هتتفرجوا كمان علي أبطال دايما بيقفوا ورا الكاميرا ولأول مرة عدوا حدود الخط الوهمي للكاميرا وبصوا في العدسة، واتكلموا عن مشكلة تخصهم وتخص الفيلم" . واستكمل "من وجهة نظري كل شخص بيقف ورا الكاميرا لصناعة فيلم هو البطل الحقيقي وهو نجم الفيلم ".