كلنا أبو جلابية .. مصر بتتغير !!

بعد مباراة الزمالك والأفريقى التونسى وما جاء بها من احداث شغب اصبح الرجل ابو جلابية هو رمز لهذه الأحداث واصبح هو الأشهر على الانترنت والفيس بوك حتى انه بلغ الامر لترشيحه رئيس للجمهورية ولم يسلم الرجل أبو جلابية الذى لا يعرفه احد من تعليقات الفيس بوك " عاجل بعد احداث جماهير الزمالك اعلن المجلس العسكرى قرار حظر لبس الجلاليب من الساعة 6 الى 12 والله الموفق والمستعان " .. " يا جماعة دى الكاميرا الخفية " .. " تعاطفك لوحده مش كفاية اتبرع ولو بطاقية للراجل ابو جلابية " .. " اعتذار من كل مصرى حر للحاج سعيد ابو حديد قائد الفرقة 64 جلبيات " .."فعلا راجل مثير للجدل ياترى مين وراه ياترى تبع انهى اجنده واضح ان اجندته خضراء يبقى اكيد تبع القذافى " .. " الفضائيات والصحف تتسابق على اجراء حوار مع ابو جلابية " .. " شكله كان بيجرى عشان يلحق يستلم حصة العلف " .." الراجل ابو جلابية يعمل وفق اجنده اجنبية والدليل الصندل والكوفية ".." لو مسك الرئاسة هنبقى اكبر دولة مصدرة للجلاليب " .."الزملكاوى مش بس بكلمته الزملكاوى بحبه لجلبيته ".. " ارشح الراجل ابو جلابية لرئاسة نادى الزمالك " .." مرتضى منصور : عندى السى دى اللى يثبت ان ابو جلابية من الاهلاوية " .. " الشعب يريد إسقاط أبو جلابية ".. " أرفع جلابيتك فوق انت زملكاوى " .." محدش يتريق على الراجل ابو جلابية .. كلنا ابو جلابية .. مصر بتتغير وابوجلابية كمان "