إحنا بتوع الأتوبيس

‏كيف تتأكد أن الأتوبيس الذي تركبه مصري‏100%‏ ؟ عندما تجد الآتي‏:‏ الكمسري يصرخ دائما‏:‏ الأوتوبيس فاضي ورا‏(‏ مع إن ورا ده زي علبة السلمون‏,‏ حاول أن تقنع الكمسري بالعكس‏).‏ ‏ لا تنتظر في المحطة الأساسية‏(‏ خليك أول الكوبري وآخر الكوبري وبعد الإشارة وعند البنزينة وعند نعمة‏).‏
‏‏ تجميع الأجرة بشكل ودي‏(‏ لموا مع بعض يا جماعة عشان الزحمة‏)..(‏ التباع مش عارف يرجع ورا أصلا‏).‏
‏‏ السواق يدخن بشراهة‏..(‏ مع أن هناك لافتة عريضة تقول ممنوع التدخين‏)..(‏ إحضار السجائر مهمة التباع‏).‏
‏‏ الباب مفتوح بشكل دائم‏(‏ نصف الركاب راكبين شعبطة‏).‏
‏‏ التباع ينادي علي المحطات برغم أنها مكتوبة علي الأتوبيس‏(‏ عدم اقتناع من الركاب‏).‏
‏‏ الراكب يسأل التباع رايح رمسيس ده؟‏..‏ برغم أن المحطات مكتوبة علي الأتوبيس وبرغم إن التباع ينادي علي المحطات‏(‏ انعدام ثقة‏).‏
‏‏ النشالين‏.‏
‏‏ الأدعية والآيات القرآنية والأحاديث المعلقة حتي علي الزجاج الأمامي‏(‏ لا أعلم حتي الآن الطريقة السحرية التي يري بها السائق الطريق‏).‏
‏‏ البنت المنتقبة المتسولة‏(‏ انتقلت مؤخرا للمترو‏).‏
‏‏ الأغاني الشعبية طوال اليوم عدا فترة الصباح‏(‏ الشيطان والعبد وأنا مش عارفني‏).‏
‏‏ في فترة الصباح قرآن كريم أو ابتهالات‏(‏ علشان البركة‏).‏
‏‏ الرجل الذي يصرخ في الموبايل‏(‏ بتقول إيه يا عباس هاه‏..‏ هاه يا عباس أأأأأه‏..‏ صباح النور يا عباس‏).‏
‏‏ لو جلست نظر الواقفون لك بغل شديد‏..‏ ولو وقفت نظر لك الجالسون بتعالي آه والله (‏ الشعلقة من الباب حل لا بأس به أحيانا‏).‏
‏‏ لا يقف في الإشارة‏(‏ أعتقد إن السواق عارف مواعيد الإشارات‏).‏
‏‏ لازم تتعلم النط‏(‏ الوقوف هنا ممنوع يا بشمهندس نط واحنا ماشيين‏).‏
‏‏ أحد البابين لا ينفتح‏(‏ رأي السواق‏:‏ ما اللي قدام مفتوح حلو أوي‏).‏
‏‏ إنت الوحيد الذي يتهم بالتهرب من الأجرة‏(‏ أعتقد أن شكلك يدي علي بلطجي‏).‏
‏‏ السيدة التي تطلب منك حمل ابنها كي تعطي التباع الأجرة‏(‏ غالبا يبقي معك حتي محطة نزول والدته وغالبا بيعملها عليك قبل ما والدته تأخده‏).‏
‏02‏ الباعة الجائلون والدراويش بنص جنيه روق دمك بنص جنيه‏(‏ مكانش حد غلب ومدد حي مدد مدد‏).‏