موعود بحبك وانت بايعاني ومشرباني الذل ل كيعاني يا بنت قلبي يا مهرجان الموت مفروط علي الأسفلت زي التوت جايز أموت... وأطلع... وأموت تانيفما تفرديش للصمت قلبي الحيوما تلعنيش روحي ف قاعات الضيوما تدفنيش جسمي ف وطن تاني....... مغرم تراب/ ميادين/ عشش/ دهاليزمغرم وشوش فرحانه ف البراويز مغرم وطول ما زليخا رافضه النيل عمر العليل بالعطش ما يصير ف لحظه عزيز....... موعود يا ريحة الطمي في هدومي يا حبيبتي وامي وناسي وخصومي موعود يا نور/ يا نهار/ يا عصمه ودار يا شراع مخالف موكب التيار يا حصار مزار حلمي ف قصيد نومي موعود يا ضحكه ف مهرجان الليل موعود وجسمي علي الطريق قنديل موعود ولاجلك يا ام جوز خلاخيلموهوب فتيل للشمس من يومي....... عاشقك وقلبي حصان ومش خايف مفطوم عمي وأوجاع... لكن شايف يا ساكنه جسمي وواخدة روحي لحافيا كعبتي وكعبة رغيفي الحاف نفسي ف طوافك أقول: مانيش طايف....... موعود بحبك وانت شكلك دون موعود وقابل أعيش غبي ومجنون موعود يا قاتله الفرحه جوانا ومعلقانا ف موكب الفرعون....... عاشقك يا هزة روحي في الغربال يا رقوة أمي... يا بيت لست عيال يا فطار جماعي ف سكة الجامعهيا حصار جماعي بفرقة الأندال....... موعود بحبك وانت روحك زيف يا معلمانا الكدب والتحريف وموقفانا علي الطريق نسأل حبك دا قارب............... واللا نص رغيف؟
