ثلاثة مواويل سبعاوى

(1)
سبحانه رب البرايا خلق الجنوب وشمال
وأنشأ الأرض بشجر وكنوز ودهب وشمال
وخلق بشر من طين فيهم عِدِل وشمال
أنزل كتاب ع النبى مبتداه فقرا
نزل الأمين ف حراء ضم النبى فقرا
كفر الأكابر بيه وصدقوه فقرا
نور النبى فقرا أما الخلق فشمال
(2)
يا زارع الود تحصد خير منجالك
تقطف عنب رمان وتين ومنجالك
عايش ف جنة ودادك يا حبيب منجا لك
البسمة من ثغرها بلسم ع الجرح طايب
الوجه بدر التمام من فرع السما طايب
بصة عنيها دعتنى قلت أنا طايب
والقلب بالحب طايب وأما الصدق منجالك
(3)
شق الحبيب قلبى وفاتنى وراح ما برشامه
قالوا المبالى تعالى دواك يا حزين برشامه
دفس الطبيب الباب وأنا نايم ف برشامه
جرحى انفتح يا ناس والعدا كشفوه
جم الأطبا ع العجل من غير معاد كشفوه
منين يا طبابة ألاقى دوا كشفوه
من يوم عنيا شافوه ما شافو تين برشامه