عندنا أزمة كبيرة فى العملة الصعبة ؟ = إنت مش شايف ..طبعا عندنا وعندنا مشاكل إقتصادية حادة ؟ = يوه كتيره وعندنا مشاكل فى التعليم ؟ = يووووه بالهبل وعندنا أزمة فساد ؟ = ياه ..قول زى ماتحب -عندنا غلاء فى الأسعار وتجار جشعين بيتلاعبوا بقوت الناس ؟ =حدث ولا حرج يا أستاذ ولادك بيروحوا النادى ؟ = تقريبا كل يوم صيفت السنة دى ؟ = أيوه بتنزل تسهر مع أصحابك ؟ = أيوه بس ساعات البرد بيمنعنى ،برد السنة دى جامد قوى طب مصر فيها جيش لا قدر الله منقسم على نفسه ؟ = الحمد لله لأ جزء من بلادك محتل ؟ = الحمد لله برضه لأ عندك قواعد عسكرية على أرضك ؟ = الحمد لله رب العالمين مفيش سبت بيتك ووطنك وقاعد فى مخيم على حدود أى بلد مستنى طيارة ترمى لك رغيف ؟ = ياراجل .. تف من بقك حد من معارفك إتدبح والدواعش لعبوا الكورة براسه قدام الكاميرات ؟ = اللهم إحفظنا ما حصلش جه شهر عليك ماقبضتش ؟ = لأ ولادك مدارسهم وجامعاتهم إتعطلت والسنة الدراسية إتلغت ؟ = لأ عندك فتنة بتحصد كل يوم مئات من دول ودول ؟ = لله الحمد والشكر لأ عندك أزمة كهربا فى يوم ؟ = لأ نمت يوم من غير عشا ؟ = الحمد لله مستورة تبقى الخلاصة عارف إيه ؟ بلدك بتعانى ،وبتمر بظروف صعبة ودى مش أول ولا آخر مرة فى تاريخ الدول ، لكنها بفضل الله متماسكة وغير منهارة ، يعنى بالبلدى مش أشلاء دولة وده كافى بإذن الله إنها تقوم وتتعافى . وبعدين إوعى تنسى إن ربنا دايما معانا مهما أعيتنا السبل . لو الدولار بقى ب100 جنيه برضه بنحبها وحنعيش فيها وزى ماتكون . إدعوا لمصر ملاحظة : أستاذ صلاح ..تعليق أعجبنى على النت فنقلته كما هو :شيرين عبد النور [email protected] لمزيد من مقالات صلاح منتصر;