صوت الشهيد

أنا بانتخب أمي .. وإيد تنزلها السلالم بالحنان وبانتخب دمي
اللي رسم ع الأرض حلمي من زمان
وبانتخب كل اللي وقعوا في الميدان
كل اللي وقفوا في الميدان
أنا بادي صوتي للي هتفوا معايا
وللي حلموا معايا
دول بس مؤتمنين علي حلمي.
وبانتخب بكره اللي مش عايز يبان
وبانتخب بنت الجيران
وابن الجيران
صاحبي القديم دميان
علي بسطة السلم بنلعب سوا
وعلي السطوح غية حمام نعسان
أو في السما طايرين.. سوا
أسراب حمام مصرية الأوطان
ماهوش حمام إسلامي ولا ذمي.
أنا بانتخب بنوتة من دمي
وشاب.. مش خايف يكون إنسان
المزيد من أعمدة بهاء جاهين