إخواني يطلب الزواج من الفنانة عفاف شعيب

روت الفنانة عفاف شعيب، موقفا تعرضت له على يد أعضاء من جماعة الإخوان، خلال فترة ثورة 25 يناير، وذلك خلال حلولها ضيفة على الاعلامية رغدة شلهوب ببرنامج "تحيا الستات"، المذاع عبر قناة "النهار".
وسردت عفاف شعيب ذكرياتها مع ثورة يناير وعدم تأييدها للثورة، واعتبرتها مؤامرة على مصر على حد قولها، الأمر الذي عرضها لهجوم وانتقادات من البعض على مواقع التواصل وفي بعض المواقع، وأكملت "شعيب" قائلة: "كنت حاضرة في فترة من الفترات وكنت معزومة على العشاء ولاقيت 5 إخوان معرفش مين دول قابلوني وقالولي، "على فكرة والله العظيم يا أستاذة احنا ملناش دعوة باللى اتكتب"، قولتلهم: "ايه اللي اتكتب؟"، ردوا وقالوا "اللي اتكتب عنك"، قلت لهم "هو انتوا منهم ولا ايه"، فقالوا "لالا ملناش دعوة".
اقرأ أيضا.. عفاف شعيب: أجهضت نفسى كتير ولما حبيت أخلف ولاد معرفتش (فيديو)
وتابعت عفاف شعيب قائلة: "قولت ايه الناس دول، اشكال غريبة اقسم بالله اول واخر مرة اشوفهم كاد المريب ان يقول خذوني طب انت قايم من على العشاء وسايب العشاء عشان تقوم تقولي ملناش دعوة، وعرفت أن ورا المؤامرة دي كلها هما ناس معينين عاملين الحكاية دي قولت القافلة تسير والكلاب تعوي، انا اللي يهمني بلدي".
وواصلت "شعيب" قائلة: " داعية إخواني طلب يتجوزني فوقتها ورفضت طبعا، وبعدين يقول انا جاي وهعمل وهدمر ليبيا مين انت مين انت، هما كانوا عايزين يضموني ليهم حاولوا في الفترة دي تليفونات ومكالمات، كنت مرة في تركيا بتكرم من السفارة المصرية، لقيت ناس كتير بيكلموني انتي فين عايزين نشوفك نقابلك، بصفتكم ايه تقابلوني وعشان ايه، خفت وقلت مين دول وانا من النوع لما احب اقول حاجة بقول ميهمنيش مبخافش غير من الله، بحب بلدي وبعشق بلدي وهفضل احبها لغاية مموت".