تعرف على الداعية الأخوانى الذى طلب الزواج من عفاف شعيب.. فيديو

روت الفنانة عفاف شعيب ، ذكرياتها مع ثورة 25 يناير ، وعن تصريحاتها بشأنها ، مؤكدة أن هناك بعض التصريحات التى نسبت لها ولم تكن حقيقة .
وقالت الفنانة عفاف شعيب ، خلال لقائها ببرنامج "تحيا الستات"، المذاع عبر قناة "النهار" ، أن ثورة يناير كانت مؤامرة على مصر ، وعدم تأييدها لها تسبب فى هجوم من قبل البعض تجاهها.
وحكت عفاف شعيب ، موقفا تعرضت له ، قائلة: "كنت حاضرة في فترة من الفترات وكنت معزومة على العشاء ولاقيت 5 إخوان معرفش مين دول قابلوني وقالولي، "على فكرة والله العظيم يا أستاذة احنا ملناش دعوة باللى اتكتب"، قولتلهم: "ايه اللي اتكتب؟"، ردوا وقالوا "اللي اتكتب عنك"، قلت لهم "هو انتوا منهم ولا ايه"، فقالوا "لالا ملناش دعوة".
وتابعت : "قولت ايه الناس دول، اشكال غريبة اقسم بالله اول واخر مرة اشوفهم كاد المريب ان يقول خذوني طب انت قايم من على العشاء وسايب العشاء عشان تقوم تقولي ملناش دعوة، وعرفت أن ورا المؤامرة دي كلها هما ناس معينين عاملين الحكاية دي قولت القافلة تسير والكلاب تعوي، انا اللي يهمني بلدي".
وإستكملت : " داعية إخواني طلب يتجوزني فوقتها ورفضت طبعا، وبعدين يقول انا جاي وهعمل وهدمر ليبيا مين انت مين انت، هما كانوا عايزين يضموني ليهم حاولوا في الفترة دي تليفونات ومكالمات، كنت مرة في تركيا بتكرم من السفارة المصرية، لقيت ناس كتير بيكلموني انتي فين عايزين نشوفك نقابلك، بصفتكم ايه تقابلوني وعشان ايه، خفت وقلت مين دول وانا من النوع لما احب اقول حاجة بقول ميهمنيش مبخافش غير من الله، بحب بلدي وبعشق بلدي وهفضل احبها لغاية ماموت".