مينا مسعود يروي التفاصيل الكاملة حول اختياره لفيلم "علاء الدين"

أتمنى عمل فيلم عالمي عن الفنان الراحل "عبد الحليم حافظ"
قال مينا مسعود، إن عبدالحليم حافظ، شخصية جميلة جداً، وكانت حكايته مشوقة كثيراً، وأنه كان مريض في آخر عمره، ولكن كان يوجد غموض في حياته، لم نكن نعرف أنه متزوج أم لا؟، وكان يعتقد الكثير إنه متزوج الفنانة سعاد حسني، فإن حياته كانت مشوقة وممتعة كثيراً بالنسبة لي، فإذا خيروني بين الشخصيات المصرية العظيمة التي أقوم بتمثيل فيلم عالمي عن حياتها، فسوف اختار عبد الحليم حافظ.
حب مينا مسعود لمصر
وأضاف "مسعود"، خلال لقائه على فضائية "سكاي نيوز عربية"، أنه سعيد جداً أنه آتى إلى مصر، وأنه لم يآتي إليها منذ 10 سنين، وبتأكيد من 10 سنين لم يكن يوجود مكان اسمه الجونة أو إنه لم يكن يعرف هذا المكان، ولكن عندما آتى إليه أحببه كثيراً.
وأكد مينا مسعود خلال لقائه مع الإعلامية منى الشاذلي، على رغم من أنه هاجر إلى كندا وعمره 3 سنوات، إلا أنه يعيش في منزله حياة مصرية كاملة، فإنه يتحدث باللغة العربية في منزلهم، ووالدته دائما تطهي لهم الوجبات المصرية الشهيرة "كالممبار والبامية وكبد وقوانص وملوخية وكشري وقلقاس وكوارع".
فيلم علاء الدين
وأوضح مسعود، "أنا بقالي 10 سنين في كندا بمثل روحت الكلية 4 سنين وبعد ما اتخرجت اشتغلت في مطعم 3 سنين علشان احوش فلوس عشان اجي امريكا عشان طبعا المجال في كندا برضو مش زي ما هو في امريكا عملت كده وكنت نقلت امريكا بشهرين تلاته ولقيت على الانترنت ان هم عايزين واحد يمثل شخصية علاء الدين".
وأكمل النجم العالمي، "فقولت اه ده انا ممكن العبه كلمت وكلائي وقولتلهم طب هاتولي اختبار علاء الدين قالولي ماشي بس بيشوفوا ناس كتيرة واكيد هيختارو حد مشهور وكده قولتلهم هاتوهولي وخلاص ف قالولي اعمل الاختبار من البيت مخلونيش اعمله قدام المنتج او المخرج ودي حاجة بعيدة فعملت الاختبار ده وبعته و3 شهور مسمعناش حاجة فقولت خلاص بقى مش هتحصل علشان في الطبيعي لما بيجيلك اختبار زي ده بيختاروه في شهر بيقعدو شهر ويختارو".
وتحدث مينا عن اختياره لتجسيد شخصية "علاء الدين": "لما كنت ببعت الاختبار من البيت كنت بقول هعمله وخلاص وهم مش هيشوفوه اساسا اصل انتي تخيلي هم مثلا جايلهم 2000 طلب طب هيتفرجوا على ايه ولا ايه! بس بعد 3 او 4 شهور لقيت وكلائي كلموني وقالولي انت فاكر الفيلم اللي انت كنت عايزه اوي؟ قولتلهم لا انهى فيلم؟ قالولي الفيلم الللي انت كنت عايزه؟ مكانوش عايزين يقولولي قولتلهم يجماعه انا مش عارف انتوا بتتكلموا على ايه قالولي علاء الدين قولتلهم ياه هم لسا فاكرين فبعد كده الحكاية ابتدت بسرعة عملت اختبار تاني وبعدين سفروني انجلترا علشان اقابل المخرج واعمل معاه تجربة للاداء وبعدين سافرت تاني كندا كنت بخلص فيلم هناك وبعدين سفروني انجلترا تاني اعمل تجربة لادائي تاني مع نايومي اللي بتلعب دور ياسمين فهي قمر وانسانة جميلة جدا اول ما قالولي اني اتقبلت لدور الفيلم انا كنت ساعتها في كندا بخلص الفيلم وحالي مكالمة من وكلائي وقالولي انت شكلك كده هترجع انجلترا 3 مرة قولتلهم تاني يا ناس هرجع انجلترا تاني علشان اعمل اختبار تاني هم عايزين ايه مني قالولي لا علشان هتبدي تشتغل على الفيلم قولتلهم نعم! قالولي هتبدي تشتغل على الفيلم قولتلهم يعني جالي الفيلم! صرخت وفرحت جدا وقالولي متقولش لحد لمدة يومين تلاته كده مثلا".
وتحدث مسعود عن فرحه والده ووالدته بخبر قبوله في فيلم "علاء الدين"، "روحت و صحيت ماما وبابا وقولتلهم عايز اقولكوا على حاجة قالولي ايه ده في ايه! في ايه يا بني! بصحيهم الساعه 3 الصبح بقى فخايفين قولتله جالي علاء الدين راح بابا نط وماما قعدتت تعيط انتوا عارفين المصرين ".