أحمد حسن وزينب يرجعان عن قرار اعتزالهما: هنكمل عشان أهلنا والمتابعين

أحمد حسن وزينب، بعد ساعات قليلة من إعلان اعتزالهما على الفيديوهات على موقع "يوتيوب"، أعلن اليوتيوبر أحمد حسن وزينب، رجوعهم فى قرارهم والعودة مجددا لبث فيديوهات، وقال أحمد حسن، عبر فيديو نشره على صفحتهما على موقع التواصل الاجتماعي "فيس بوك": "خدنا القرار الصح وهنكمل عشان أهلنا ونفسنا والمتابعين.. ولو فيه واحد بس عاجبه المحتوى بتاعنا هنكمل".
عودة أحمد حسن وزينب
وبعثت زينب رسالة قالت خلالها: "لو عندك حلم حتى لو بسيط، إنت ممكن تكسر الدنيا بيه، بلاش تسمع لحد هو بيحبطك لإنه كان نفسه يبقى مكانك ومش عارف ..بلاش لما حد يجي ينتقدنا عشان عاوز يقلدنا ومش عارف، تشيرله.. بلاش تشيروله".
واثيرت حالة من الجدل فى الساعات الماضية، بعدما ظهر أحمد حسن وزينب زوجته فى أحد حمامات السباحة بدبي وبجانبه شقيقه، ، كما قبل أحمد حسن زينب الأمر الذي عرضهما لهجوم شديد، وفى أول رد منه، علق اليوتيوبر الشهير أحمد حسن على الانتقادات التي وجهت له وظهر حسن في فيديو نشره على قناته الرسمية، بموقع "يوتيوب"، تحدث فيه لمدة ما يقرب من خمسة عشر دقيقة، عن المشكلات التي واجهته والشتائم والإهانات، التي تلقاها عقب نشره صورة جريئة مع زوجته أثناء تقبيلها في حمام السباحة.
أحمد حسن وزينب
وقال اليوتيوبر أحمد حسن في الفيديو: "أحنا أسفين جدا، بنعتذر لكم، فوق ما تتخيلوا على أي حاجة أحنا عملناها، انتو شايفنها صح أو غلط، في الفترة دي إحنا في حالة سيئة ، دلوقتي في أكبر مرحلة من مراحل الحالات النفسية .. ودا بسبب انتقادات كتيرة جدا بنواجهها، من أول ما بدأنا بتنتقدونا، عملنا فيديوهات دينية بتنتقدونا، ترفيهية بتنتقدونا، عائلية بتنقدوها، ليه دايمًا بتتقدونا؟؟، مش فاهم ليه حتى اللحظات الحلوة اللي في حياتنا بتنتقدونا، في الحلو والوحش".
وأضاف أحمد حسن قائلا: "مبقناش عارفين، أنتو بتنتقدونا عشان بنعمل حاجات وحشة، ولا لمجرد الانتقاد مش أكتر؟؟، عايزين نفهم دا، في البداية لما حبينا بعض واتخطبنا، كنا زي اي اتنين مخطوبين بننزل صورنا، الناس كلها قعدت تتريق على الصور وعلينا، وقلب على تريقة على الأشخاص مش المحتوى".
اقرأ ايضا: بعد إعتزالهم السوشيال ميديا.. أحمد حسن يدخل التريند والمتابعين: "يا أحلى خبر سمعته"
وأختتم أحمد حسن حديثه قائلا: "أحنا تعبنا يا جماعة مش قادرين نكمل، مش هنزل صور تانى على السوشيال ميديا، مش هنظهر تانى، وعارف دي حاجة هتبسطكم، إفرحوا زغرطوا، للسنة الجاية، محدش هيشوف خلقتنا تاني.. الموضوع وصل ل إن الناس بتشتمنا بالأب والأم، وبالأهالي وشتيمة وقلة أدب، بتحصل في حقنا، أنا عايزكم في الكومنتات اكتبو مبروك انهم مش هيبقوا موجودين، اعملوا صور واتريقوا علينا، شكراً واحنا اسفين على كل حاجة، خلاص وصلنا لحالة نفسية صعبة".