أحمد حسن وزينب يعلنوا اعتزالهما السوشيال ميديا.. والجمهور: يارب الخبر يكون صحيح

أعلن اليوتيوبر أحمد حسن وزينب اعتزالهم السوشيال ميديا خلال مقطع فيديو نشره على صفحتهم على اليوتيوب تحت عنوان "أحنا أسفين"، يتضمن رسالة الاعتزال مرجعين السبب لحملات الهجوم اللاذعة التي يتعرضوا لها، وعقب نشر الفيديو احتفل رواد مواقع التواصل الاجتماعي بالخبر معربين عن سعادتهم متمنين عدم عودتهم مرة أخرى.
وأكد الثنائي أنهم سيتوقفوا عن نشر أي فيديوهات أو صور حيث قال "اليوتيوبر" أحمد حسن عبر الفيديو الذي ظهر فيه منفعلا:"احنا اسفين جدا على أي حاجة عملناها سواء أنتوا شايفنها صح أو غلط الفترة دي أحنا في حالة نفسية سيئة جدا بسبب الانتقادات الكثير اللي بنواجها تعبنا مش قادرين نكمل خلاص مش هنبقى موجودين تاني على السوشيال ميديا مش هنزل فيديوهات ولا صور تاني وعارفين انكم
هتنبسطوا وتفرحوا افرحوا زغرظوا من هنا للسنة الجاية ".
وتابع موجهًا رسالته للمنتقدين:"عملنا فيديوهات دينية بتنتقدوا.. ترفيهية بتنتقدوا..عائلية بتنتقدوا حتى اجتماعية كله بتنتقدوا سوا الحلو أو الوحش لحد ما بقينا مش عارفين هل الانتقاد علشان بنقدم شئ وحش ولا انتقاد للانتقاد بس، الموضوع بقى انتقا د للاشخاص مش المحتوى،كنا عايزين انتقاد بناء نحسن من نفسنا احنا في حالة نفسية صعبة جدا مش بيعدي علينا يوم الا ونفسيتنا سيئة جدا بسبب التعليقات الوحشة اللي وصلت أن الناس بقت بتدعي علينا وبنتشم باهلينا".
ورد حسن على من يتهمهم بأنهم يستغلوا طفلتهم الرضيعة لجلب اللايكات والمتابعين ليقول:"اتقال اننا بنستغل بنتنا
للشهرة لكن قبل ما البنت تيجي احنا عندنا مشاهدات ومتابعين بالملايين، انتوا اللي طلبتوا الفيديو ده واحنا بس كنا فرحانين بيها زي أي أب وأم.. وكنا بنشاركوا حياتنا لانكم عيلتنا لكن انتوا دايما بتكسروا فرحتنا".
وتسائل أحمد حسن وزينب:"ولو احنا بنقدم محتوى وشئ وحش ليه عندنا مشاهدات بالملايين".
ليتصدر هاشتاج أحمد حسن وزينب ويتفاعل الجمهور مع الهاشتاج ويشنوا هجوم لاذع على الثنائي معبرين عن سعادتهم بقرار الاعتزال، وتنهال التعليقات الساخرة على القرار، متمنين عدم عودتهم من جديد على السوشيال ميديا.
وهناك من شكك في خبر اعتزالهم معتبر الفيديو نوع من انواع جذب المشاهدات وأنهم سوف يعودا مرة أخرى لأنهم لن يتخلوا عن الدخل الكبير الذي يعود عليهم من تلك الفيديوهات.
ويذكر أن الثنائي اشغل غضب رواد مواقع التواصل الإجتماعي عقب الفيديو الأخير تحت عنوان "لحظات رومانسية"، والذي ظهرا فيه داخل حمام سباحة في "مارينا دبي" حيث ارتدت زينب "مايوه" وتبادل الزوجان "قبلة"سريعة مما اثار غضب الجمهور.
شاهد الفيديو...
https://www.youtube.com/watch?v=Fi8SeWVugd8