أحمد سعد: سمية الخشاب ضحكت عليا وخدت كل ما أملك (فيديو)

كشف الفنان أحمد سعد، السبب الحقيقي وراء طلاقه للفنانة سمية الخشاب، قائلًا :" الحقيقة إن هيا ضحكت عليا، أنا آمنتلها جامد بكل ما أملك وكنت محتاجلها في الفترة دي"، مضيفًا في تأثر: "في الفترة دي أنا كنت راجل مهرجل، وحياتي مهرجلة وغير منظمة بالمرة، وكنت بشتغل كويس واكسب كويس ومضيع كل فلوسي، فكنت محتاج للأمان، ومحتاج لست أحس معاها بكدة".
اقرأ أيضًا.. أحمد سعد: اتجوزت ريم البارودي 6 أيام بس وطلقتها (فيديو)
وأوضح "سعد"، خلال لقائه مع الإعلامية "بسمة وهبة"، ببرنامج "شيخ الحارة"، المعروض عبر فضائية "القاهرة والناس"، أنه عندما رأى سمية الخشاب لأول مرة آمن لها كثيرًا، وكانت تظهر له أنها شخص يستحق أن أئتمنه على ماله وأشيائه، مستطردًا: "هتكلم والله على ما أقول شهيد، أنا كنت بروح أشتغل كل يوم بالليل في المحافظات شرقية ومنوفية ومنصورة وبحيرة، وأجي وانا عرقان وتعبان وأحط القرش على القرش وأديهملها تشيلهملي".
وتابع: جات قالتلي لازم تجيب بيت، قولت كتر خيرها عايزاني أعمل حاجة حلوة، فقولتلها أكتبي البيت بإسمك عشان انتي موجودة علطول وتقدري تدفعي الفلوس، ولما أقولك انقلي الحاجة باسمي تاني انقليها، قالت ماشي"، موضحًا أن سبب طلبه أنه لم يمتلك دفتر شيكات ولا يتعامل مع البنوك بسبب عشوائيته وادخاره أمواله في دولابه، ولأنها شخص منظم جدًا أراد أن يتعلم منها ويعتمد عليها.
اقرأ أيضا.. أحمد سعد يفتح النار على سمية الخشاب: طلقتها قبل شهر من إعلانها الخبر لوسائل الإعلام (فيديو)
ولفت إلى أنه بالفعل استطاع أنه يسدد كل ديونه في بيته الجديد، حتى أن أهله فرحوا به جدًا لأنه لأول مرة يمتلك شيئًا بماله الذي ادخره، مفيدًا بأن سمية الخشاب بالفعل كانت منظمة حياته، وكان وجودها فاتحة خير عليه، ولكن المفاجأة أنه عندما طلب منها أن تنقل له البيت باسمه، كإختبار لها، قالت له ان شاء الله بعدين قدام شوية، فبدأ الشك يدخل لعقله.
واستطرد "أحمد سعد قائلًا": لما توهتني قلت لا الموضوع مش مظبوط، روحت مطلع دفتر شيكات وقولتلها أنا طلعت دفتر شيكات وقلت انقليها ليا فرفضت وقالت لأ أنا هاخدها واديك حقها، قلتلها ازاي يعني؟ خاصة ان الشقة كسبت بعد ما اشتريتها بسنة، وفي الآخر اديتني شيك بربع المبلغ وقالت "إذا كان عاجبك".