مرتضى للاعبي الزمالك قبل موقعة أنيمبا: «إفريقيا دي بتاعتنا»

عقد مرتضى منصور رئيس نادى الزمالك، جلسة مع لاعبى الفريق الأول لكرة القدم بالنادى من أجل تحفيزهم قبل مباراة أنيمبا بدورى أبطال إفريقيا والتى ستقام 19 من الشهر الحالى.
وقال رئيس الزمالك: “أول سفرية فى بطولة إفريقيا لأبطال الدورى اللى إحنا غايبين عنها بقالنا 3 سنين.. البطولة دى أصلا بتاعة الزمالك واخدين 5 بطولات قبل ما أمشى من رئاسة الزمالك ولما مشينا منه لله الأهلى بقى 8 بطولات واحنا وقفنا عند الخمسة”.
تابع، “عاوزين نبقى رجالة البطولة دى بترجعنا تانى عصر البطولات الإفريقية دى قيها 3 مليون جنيه مكافأة.. انت بتلعب هناك 90 دقيقة ومعاك جهاز فنى محترم وهو قاعد لأنهم عمالين يحفرو وراه وهو قاعد، زى مأغلبتو تونس والجزائر وجنوب إفريقيا”.
اختتم حديثه، “انتو تكسبو هناك وهترجعو عندكو ماتشين هنا يبقى عندكو 9 نقاط يبقى اخر ماتش برة فى الجزائر وأنا هسافر معكم ومجلس الإدارة بالكامل علشان نكسب هناك ونطلع أول فى المجموعة”.