22 تصريحًا ل"ريهام سعيد" مع "سمر يسري": "بحب أحمد موسى.. والجن أذاني"

استضافت الإعلامية سمر يسري، مقدمة برنامج "أنا وأنا"، عبر فضائية "ON E"، الإعلامية ريهام سعيد، والتي أدلت بالعديد من التصريحات الهامة، ترصدها "أهل مصر".
1- مش بطلع في لقاءات تليفزيونية عشان محدش من الإعلاميين بيطلبني.
2- بقى عندي لا مبالاة من كل اللي بيحصل حوالي في مصر أو خارجها.
3- هل صفحات الدجل الشعوذة لغياب وعي الناس ولا لمعرفة المزيد عن العالم السفلي.
4- 99% من المتحرشين في مصر مدمنين مخدرات.. ويجب معالجتهم من الإدمان قبل معاقبتهم.
5- الستات المطلقة بتصاحب أو تتجوز عرفيًا إنما أنا لا.
6- أنا مجنونة رسمي.. وقاطعت معظم أصحابى بسبب غيرتهم مني.
7- صفحة "تحت الأرض" يقف ورائها ناس كانت لهم علاقة بالعمليات التخريبية التي تحدث في مصر.
8- أنا بحب أحمد موسى قوي ولكنني ضد موقفه هذا من أهالي المتطرفين.. فأنا أتمنى لهم الهداية.
9- تجوزت وأنا عندي 19 سنة.. واندفعت في قرارات زواجي الباقية
10- قالت للشيخ خالد الجندي بعدما وصفها ب"الرقاصة": “أنا أكبر من أني أرد عليه.. لأن ده كلام واطي أوي.. وأنا رقاصة يا سيدي.. بتابعني ليه؟ الشيخ خالد الجندي بيتابع حلقاتي ومسلسلاتي، لو أنا مش عجباه متابعني ليه؟".
11- إيمان الحصري اتعرف اسمها بسببي ومكنش حد يعرفها قبل ما قفلت التليفون في وشي.
12- السيد علي كبير في السن وبيحاول يكون مذيع.
13- نفسي أتحجب عشان أرضي ربنا بس صعب عليّا جدًا.
14- أعطوني فرصة هند صبري ومنى زكي في التمثيل.
15- تعدد زيجاتي يعكس شخصية محترمة.
16- قالت ردًا على رسالة توبيخ من بعض السوريين: “معملتش حاجة غلط.. أنا مقولتش إنهم شحاتين، ودول جزء من السوريين، معظم السوريين بيحبوني".
17- أنا خلقت خط الإعلاميين مشيوا عليه من بعدي.
18- مسرقتش الصور من على موبايل.. دي كانت على الفيسبوك بتاعها.. والصور دي اتقالي إنها لها علاقة بالموضوع.. ومكنتش أعرف باللي هيتعرض على الشاشة.
19- باسم يوسف سبب في وقف برنامجي لأنه مضايق أني بدعم السيسي والجيش.
20- الناس بتحبني وكل اللي بينتقدوني بيغيروا مني.. يا ريت الأعداء يهدوا شوية.
21- الجن أذاني.. بحس بحاجات غريبة.. زي إني بضرب بالطوب وأنا نايمة.. ولسه مأذية.
22- قالت ردًا على انتقاد خبراء الإعلام لها: “هما مش ربنا.. آرائهم هما حرين فيها.. لكن أنا مش بعمل حاجة غلط".