مصطفى كامل: حلمي بكر كان بيتهاون في حق نفسه.. ورفضت أتدخل لحل مشكلته

قال الفنان مصطفى كامل: 'أنا كنت بحب حلمي بكر وهو بيحبني، ومن فترة كبيرة قولت عندي بيتي وولادي وسمعتي أهم فمش هتدخل في حاجة تخص حلمي بكر لحد ما نادية مصطفى بعتتلي رسائل صوتيه مكانها الوحيد القانون، حاجات فوق ما عقلك تتخيل الحقوا حلمي بكر'.
وخلال برنامج 'العرافة' والذي تقدمه الإعلامية بسمة وهبة على شاشة قنوات المحور والنهار أوضح 'كامل' سبب اتخاذه قرار بعدم التدخل في مشكلة حلمي بكر، قائلا: 'كان بيتهاون في حق نفسه وبيطلوبني أتدخل وبعدها يتهاون وهكذا وأنا تعبت'.
وواصل 'كامل': 'أنا كنت بفترج زيي زيكم وبيجيلي رسايل الحقوا أستاذ حلمي وسألت ابنه هنا قالوا أه ومسألش عن أبوه وقالولي عايز يكلمني قولتلهم يكلمني ليه الراجل بينتهي، قولتلها ليه يا نادية عايزة تدمري حياتي وحياة ولادي وهو بعتلي رسالة أنه عايز يتواصل معايا قولتله أي المطلوب مني أنت كنت موجود في مصر مسألتش على بابا ليه'.
واستكمل: 'أنا مكلمتش مرتضى منصور لكن بعت رقمه لابنه، أنا شبعت من حوار حلمي بكر وتعبت منه وأنا مش صغير هو كان كل اللي فارق معاه بنته كانت نقطة ضعفه وهو اتلاعب بيها، وكان لا يقبل من أي حد إنه يتكلم عنها، هي كانت هدف إنه يعيش'.