أحمد موسى يهاجم إسماعيل هنية: انت كداب يا حاج (فيديو)

هاجم الإعلامي أحمد موسى، إسماعيل هنية رئيس المكتب السياسي لحركة حماس الفلسطينية، مؤكدا أنه غير موجود داخل غزة، متهما إياه بالكذب.
وقال أحمد موسى، تعليقا على الأحداث الجارية في الأراضي الفلسطينية، ضمن حلقة الليلة من برنامج على مسئوليتي، المذاع على قناة صدى البلد: 'هنية مش موجود في غزة، ولا يعرف حاجة عنها، وطالع يقولك افتحوا المعبر'، مضيفا: 'طب إحنا نعرف عن غزة أكتر منه'.
أحمد موسى يهاجم إسماعيل هنية
وواصل أحمد موسى: 'معبر رفح مش باب واحد، أقولك أنا الفكرة، لدينا البوابة المصرية، والناحية التانية البوابة الفلسطينية، أما بتاعتنا إحنا شغالة على طول متقفلتش، والمغلقة هي البوابة الفلسطينية تحت سيطرة الاحتلال، وأنا بشرحلك عشان لما تتكلم تتكلم كلام مظبوط ومتعملش فتنة وتقول كلام مغلوط'.
وتابع: 'مصر قلبا وقالبا مع الشعب الفلسطيني، وكلامك يا إسماعيل هنية دا يوحي بأن مصر قفلت المعبر، لكن أنت كذاب يا حاج إسماعيل هنية وعاوز تثير الناس'.
وأردف: 'المشكلة فين يا حاج إسماعيل، أقولك أنا المشكلة في غزة اللي هي تحت الاحتلال، ولا أنت متعرفش ولا استقليت، وأكيد تعرف أن أمريكا وإسرائيل راصدين كل حاجة تتحرك من الناحية التانية'.
واستطرد: 'متطلعش أنت وأسامة حمدان تقولوا افتحوا معبر رفح على البحري، دا مينفعش لأن مصر ليها سيادة، ولازم ترتب مع الطرف التاني، ومصر ذات سيادة، ومتديهاش أوامر يا حاج إسماعيل، ومتخليناش نرجع لورا عشان منزعلش بعض'.
واختتم: مصر ليها 29 يوما منامتش عشان تعرف توقف إطلاق النار وتدخل مساعدات وعلاج وبطاطين عشان تساعد الفلسطينيين وتجيب المصابين تعالجهم، ومصر متحملة القضية الفلسطينية أكتر من إسماعيل هنية وحمدان اللي قاعد في بيروت.
كشف أن القضية الفلسطينية هي قضية كل العرب وليس قضية مصر وحدها، قائلا: استغربت الأيام اللي فاتت لما لقيت الناس بتتكلم وتحمل مصر المسئولية
وأشار إلى أن حماس لم تتشاور مع أي جهة عندما أخدت قرار الحرب، مضيفا: 'هل تشاورت مع حد وقالت هنحارب وحددت أهداف أيه وقالت هنوصل لإيه؟.. أبدًا'.
وتابع: 'ناك من الأشقاء وقفوا أمام سفارة مصر في رام الله يشتموا مصر، وفي ناس تظاهروا لمهاجمة مصر عشان معبر رفح وإسماعيل هنية طلع اتكلم'.
وأضاف الإعلامي أحمد موسى: 'كأن القضية الفلسطينية هي قضية مصرية، يا جماعة أنتو فاهمين الموضوع غلط، هناك 22 دولة عربية، صحيح مصر شايلة القضية من 1948'.