أحمد موسى عن احتراف محمد شريف: كل الشكر لمرعب حراس المرمى

وجه الإعلامي أحمد موسى، رسالة إلى محمد شريف، مهاجم النادي الأهلي، بعد إعلان انتقاله لنادي الخليج السعودي.
أحمد موسى عن احتراف محمد شريف
وعبر حسابه الرسمي بمنصة التواصل الاجتماعي إكس -تويتر سابقا-، قال : «نجمنا محمد شريف المخيف لاعب النادي الأهلي، يبدأ رحلة احتراف في نادي الخليج السعودي».
وتابع موسى: «لك الشكر والاحترام لما قدمته طوال السنوات الماضية للأهلي، لاعب خلوق ومحترم ومرعب حراس المرمي».
حرص محمد شريف، نجم النادي الأهلي، المنتقل لصفوف الخليج السعودي، في فترة الانتقالات الصيفية، على توديع جمهور وإدارة القلعة الحمراء برسالة مؤثرة للغاية.
وقال محمد شريف عبر صفحته الشخصية على موقع التواصل الاجتماعي 'فيسبوك': 'السلام عليكم ورحمة الله وبركاته، في البدايه مين يكون معاه وفي ظهره النادي الأهلي ويقدر يتشرط أو يملي شروطه عليه'.
وأضاف شريف: 'أنا بكتب البوست ده حابب أوجه الشكر لكل ماهو ينتمي للكيان الكبير وبيتي النادي الأهلي'.
وأشار: 'أولا الجمهور.. انا فعلا مش لاقي كلام يوصف ولا يوفي حقكم عليا بعد ربنا سبحانه وتعالي كنتم انتم خير دعم ليا وخير سند في اوقات صعبه ليا وللفريق ككل بشكركم . وبعتذر عن اي تقصير في يوم حصل مني وهتفضل اصواتكم ديما معايا وجوايا يااعظم جمهور في العالم، جمهور الاهلي هو من يصنع النجوم دمتم نعمه'.
وواصل شريف: 'ثانيا..اشكر ادارة النادي الاهلي انها ساعدتني وادتني الفرصه ان اخر ج من الباب الكبير ومن خلالهم، وتحت اشرافهم هما، اول مااتعرض عليا العروض كنت حريص علي توجيهها للاداره لدراستها قبلي انا شخصيا وكمان لحفظ حقوق الكيان نفسه قبلي انا شخصيااااااا وتحقيق اكبر افاده للكيان'.
وأكد محمد شريف: 'وبقولها واكد عليها.. لاعاش ولا كان اللي يجي الاهلي ويتشرط عليه في تجديد ولا غيره انا خارج من باب الاهلي الكبير ولله الحمد حاولت افيد النادي علي اد مااقدر وده ميجيش جزء من فضل النادي عليا شخصيا وده شي يشرفني، وديما يكفيني ويكفي اولادي ان اسمي موجود في سجلات النادي وهذا من فضل الله عليا'.
وأكمل محمد شريف: 'ثالثا.. اشكر كل من زمالتهم وكانو سند ليا وقت لعبي بالفريق من لاعبين كانو اخواتي وديما في ظهر بعض وبفضل الله وبفضلهم عرفت احفر واسجل ارقام هتفضلي موجوده باسمي داخل سطور الكيان الكبير، وبشكر كل المدربين والاداريين اللي اشتغلت معاهم من اصغر واحد لاكبر واحد واخواتنا العمال اللي تعبو معايا جدااا طوال الفتره والفريق الطبي كله بلا استثناء'.
وشدد: 'اخيرا وجب التوضيح.. عشت جوه النادي الاهلي 6 سنين من عمري واجب عليا والتزاما مني اتجاه النادي اخرج وانا شخص مسئول ولذلك انا من طلبت من النادي الاهلي اخذ كل الاحتياطات لضمان حقوق عودتي من جديد لدوري المصري من خلاله فقط او العرض عليه اولا قبل العوده لمصر، واي كلام يقال في الموضوع ده لا يمت للحقيقه باي شي وهذا للعلم فقط'.