أزمات مستمرة بين تامر حسني وبسمة بوسيل انتهت بالطلاق

أثار خبر انفصال الفنان تامر حسني عن زوجته الفنانة المغربية بسمة بوسيل، الجدل عبر مواقع التواصل الاجتماعي خلال الساعات الماضية القليلة، بعد أن أعلنت زوجته خبر انفصالهم بشكل رسمي عبر حسابها الشخصي بإنستجرام.
وكتبت بسمة بوسيل، عبر خاصية الاستوري في إنستجرام، 'وجعلنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بينا كل ود واحترام، وربنا يكتبلك ويكتبلي كل الخير أمين يارب'.
تعليق تامر حسني عن خبر انفصالهم
وعلق تامر حسني على خبر انفصالهم، وأعاد نشر الحالة الخاصة ب زوجته بسمة بوسيل على حسابه الشخصي على إنستجرام قائلًا: سيظل بيننا الاحترام و العشرة 12 عامًا، ربنا يكتبلك ويكتبلي كل خير يا بسوم وسأظل الأخ والصديق و السند في حفظ الله'.
خلافات تامر حسني مع بسمة بوسيل
وفي عام 2014، بدأت الخلفات بينهم، وانتشرت أنباء عن انفصال الثنائي لعدم اتفاقهما وكثرة المشاكل بينهما، والتي تكون أغلبها بسبب غيرة بسمة الشديدة على تامر حسني، من معجباته، والمواقف التي تواجهها في أثناء وجودها معه في الأماكن العامة.
وكشف تامر عن أسباب انفصالهم من خلال صفحته الرسمية بموقع فيسبوك، وكتب: في حقيقة الأمر تمت بالفعل بعض الخلافات الكبيرة التي اقتربت من الانفصال، ولكن لم يتم طلاق رسمي، ولكن في نهاية الأمر بسمة أم طفلتي، وسواء انفصلنا أم لا، فأنا أحترمها كل الاحترام وسأظل أحترمها مهما كان، ولن أقبل نهائيًا التجريح بها أو الافتراء عليها بالشائعات السخيفة، أرجوكم كفاية كلام في الموضوع ده.. هذه حياتي وحياتها الشخصية والأصلح لينا ربنا هيختار.
ويرصد لكم موقع 'أهل مصر'، من خلال هذا التقرير أسباب انفصال تامر حسني وبسمة بوسيل في السطور القادمة
أسباب انفصال تامر حسني وبسمة بوسيل
وفي عام 2020 تكررت الأزمة مرة أخرى، عندما تداول مقطع فيديو ل تامر حسني مع معجبه، ثم أعلنت بعدها بسمة انفصالها عن تامر حسني لأول مرة بعد 8 سنين زواج.
وأكدت على انفصالها وكتبت على إنستجرام: لكل الناس اللي بتبعتلي صور وفيديوهات لتامر وشايفة أنه مش بيعملي احترام سواء في صور أو فيديوهات، ياريت تبطلوا تبعتولي أي حاجة عشان مش فارقلي أي صور، وكمان أحب أعرفكوا إن إحنا بقالنا فترة منفصلين وبنحضر أوراق الطلاق، لو سمحتوا احترموا مشاعر كل واحد فينا وبطلوا على الأقل تبعتولي أنا أي حاجة، بالتوفيق للجميع.
ورد تامر حسني عليها ووجه لها رسالة، وقال لها: بسمة حبيبتي للأسف إنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة، المهم أنا مش هزعل منك، ولا يرضيني زعلك، إنتي حبيبتي، وأم ولادي أنا سندك وظهرك مهما حصل، بس اللي عايز أقوله
لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهما، ويا ريتها مشكلة أصلا، وربنا جعل ما بينا مودة ورحمة، عشان كده للأسف أنتي عارفة إن في ناس في طبيعتهم حب خراب البيوت، ومش هنخلص منهم بس إنتي اللي هتخلصي، من فكرة إنك تسمعيهم، مع إنك مكنتيش كده.