عمرو مصطفى يطرح «عايشين بالصورة» قريبًا (فيديو)

طرح المطرب والملحن عمرو مصطفى عبر صفحاته الرسمية على مواقع التواصل الاجتماعي فيديو، مروجًا لأغنيته الجديدة التي سوف تطرح قريبًا 'عايشين بالصورة' معلقا: 'عايشين بالصورة ... قريبا'.
A post shared by Amr Mostafa (@amrmostafa)
أبرز تصريحات عمرو مصطفى الأخيرة
وكان قد فجر الفنان عمرو مصطفى عدد من التصريحات النارية خلال حلوله ضيفًا على برنامج مشاهير الحرة، ومنها:
-بدي الأغنية للمطرب بينزلها 50%.
-محمد منير دا البابا بتاعنا، دا حالة لوحده.
-أشعر بالندم ولن أعطي ألحاني لأي فنان.
-بحب أغاني أحمد سعد شاطر برافو عليه، ولازم يفكر عمل إيه في حياته عشان يتغير.. علاقته بربنا إيه والدته أسرته كدا.
-لما جت لهم الفرصة يحاولوا ينافسوا عمرو مصطفى فقلت عمرو اللي هيطلع وهعلمكم الأدب.
الوسط الفني طلع لهم شوية أطفال علموهم الأدب، اللي مشي وراهم خسر، واللي احترم نفسه وقعد وذاكر هو اللي كسب.
-فنيا أنا أسهل واحد ممكن تتعامل معاه، وأصعب واحد تتعاملي معاه لو حاولت تبقى ذكي
-تريند في رمضان كان رسالة من ربنا أنت يا عمرو اطلع.
-هعمل حفلة واحدة في السنة.
-الناس مبقيتش قادرة تسمع 3 دقايق في الأغاني ويصعب عليا حد يسمع أغنية وفي النص يقفلها.
-ظلمت نفسي إني مغنتش من زمان ومفيش أغنية نزلتها منجحتش.
-كنت بتعاطف جدًا مع زمايلي وقررت مش هتعاطف تاني.
كل الألحان اللي قدمتها ندمان عليها كنت عايز أغنيها لنفسي وبشرة خير كنت عايز أغنيها.
-مش هدي أغاني لحد تاني لو دفعولي مال الدنيا.
-هعمل أغاني لبنات ول عمرو مصطفى بس.
-محتاج أسيب تاريخ لولادي وأحفادي تاريخ موسيقي راقي.
وجاءت ردود الفعل على الأغنية راضية بشكل كبير، حيث قال تعليق: حلوة جدًا بجد، وتعليق آخر: معبرة أوي يا عمرو وغيرها من التعليقات.