برلنتي عامر: سعد الصغير كان بيقعد تحت الشباك بال7 ساعات عشان يشوفني (فيديو)

كشفت الفنانة برلنتي عامر، طليقة الفنان سعد الصغير، عن تفاصيل خلافهما الأخير وكواليس اعتداءه عليها بالضرب وانفصالها عنه، زاعمة أنه شرع في قتل شقيقتها.
برلنتي عامر: سعد الصغير عمل المستحيل عن يتجوزني
وقالت برلنتي عامر، خلال لقاء لها في برنامج 'تفاصيل'، المذاع على فضائية 'صدى البلد2': 'سعد عمل المستحيل علشان يتجوزني وهو عارف هو عمل إيه، وكنت خايفة جدًا ومعايا فيديوهات وهو بيقولي لو إنتي إتأذيتي يبقى أنا اللي أذيتك'.
وأضافت برلنتي أن الفنانة شمس الزوجة السابقة ل سعد الصغير، هاتفتها كي تحذرها منه، موضحة: 'شمس كلمتني وقالتلي خلي بالك من نفسك علشان هو هيحاول يأذيكي، وهو قالي لأ دي غيرانة منك وبتوقع بينا، وهو فعلًا أذاني والسمعة والكلام، أنا مش قادرة أتكلم من التعب اللي أنا فيه، هو بعتلي اعتذارات مع ناس بس بعد إيه؟'.
وأضافت برلنتي، أن سعد الصغير شرع في قتل شقيقتها، قائلة: 'كان هيموت أختي ده شروع في قتل، وقالي في عز المشكلة بعد ما خرجنا من المستشفى هترجعي تاني وأنا مش عارفة هو بيقول كده على أساس إيه'.
واستكملت: 'أرجع لمين! المرة اللي جاية هيقتلني، هو شخصية غريبة هو وحنين في حاجات وحاجات تانية لأ، أنا مش عارفة شخصيته إيه، يعني يوم الحادثة ده أنا كنت في حضنه كمراته ومدلعني دلع والله هو عارف الكلام ده إن يوم الحادثة كان جايبلي ورد'.
كما كشفت برلنتي عامر، سبب خلافها مع سعد الصغير، موضحة: 'سبب الخناقة كنا بنتكلم في البيت مشكلة تافهة جدًا وشتمني وزعق وزعقت وبس كده، وأنا مش بغير عليه، ولكن أنا موجودة في حياتك أنا برلنتي عايز تعمل أي حاجة طلقني عشان كرامتي، وساعات كنت بلاقي حاجات على الواتساب ولكن معرفتش أمسك حاجة، وهو كان بيغير عليا جدًا'.
وأردفت قائلة: 'وفي مرة انفصلت عنه وكنت هتخطب، وهو عرف وراح قال للولد ابعد عنها أنا بحبها ودي حب عمري، وأنت تقدر تحب لسة سنك صغير، ولكن دي آخر حب في عمري'.
واختتمت الفنانة برلنتي عامر، أن سعد الصغير عامل حاجات مش طبيعية عشان يتجوزني وكان بيقعد تحت الشباك بال 7 ساعات عشان يشوفني'.
يذكر أن منطقة الهرم شهدت مشادة بين المطرب سعد الصغير وطليقته الراقصة برلنتى عامر، وتم تحرير محضر بالواقعة وإحالته إلى النيابة العامة لمباشرة التحقيق.
كان قسم شرطة الهرم تلقى بلاغا بنشوب مشاجرة بين المطرب سعد الصغير وطليقته الراقصة برلنتي عامر، وأكدت تحريات الأولية أن طليقة المطرب الشعبي قامت بتمزيق جواز السفر الخاص بسبب خلافات سابقة بينهما.