بعد ظهوره لايف وتحدى هاني شاكر.. حمو بيكا يتبرأ من كلامه (فيديو وصور)

ظهر مطرب المهرجان، حمو بيكا، أمس، في بث مباشر عبر صفحته الشخصية بموقع التواصل الاجتماعي فيس بوك، وتحدث في العديد من الأمور منها أنه سوف يغني في مصر وأنه لا يجبر أحد لكي يسمع المهرجانات، في تحدي واضح لنقيب المهن الموسيقية هاني شاكر، عقب قرار منعه من الغناء في مصر هو والعديد من مطربي المهرجان، ولكن اليوم يتبرأ "بيكا" من كل ما قاله بالأمس، وتراجع عن كل حديثه.
تحريف الكلام
وكتب عبر حسابه الشخصي بموقع التواصل الاجتماعي فيس بوك، قائلا: " توضيح هام، في البداية صباح الخير علي كل اخواتي وجمهوري في مصر والوطن العربي .. حابب بس اوضح كام نقطة كدة، الصحافة عماله تتكلم فيهم بدون اي دليل وكلام مخرجش من لساني وتحريف لبعض الكلام لاشعال الرأي العام والسوشيال ميديا، اول نقطة جريدة من ضمن الجرائد روجت اشاعه اني عملت لايف واتحديت فيه استاذ (هاني شاكر ) ونقابة المهن الموسيقية واني هخالف قوانين النقابة وهغني غصب عن القرار".
زوج نجلاء بدر عن تعرضها لتسمم غذائي: قادت السيارة بمفردها للمستشفى كي لا تشغلني عن عملي
شريفة ماهر: لن أعود للفن.. وتوجه رسالة ل «رشوان توفيق» (خاص)
مؤلف مسلسل "تربو" يعلن خروج محمد إمام من سباق رمضان 2022 بشكل نهائي (خاص)
وتابع:"اولاً انا قولت دي موجة وبإذن الله هتعدي وهنرجع نغني في مصر تاني مقولتش انا بتحدي القرار والاستاذ هاني شاكر .. لاني خامس مرة اتوقف وعمري ماخالفت قوانين النقابة نهائي ومن كلامهم جميعاً وعلي رأسهم النقيب هاني شاكر .. فياريت الجرايد اللي بتحور الاخبار علي دماغها تكتب اللي بيخرج عن لساني انا وميكتبوش اللي علي دماغهم هما، لان دي امانه مفروض حضرتك كصحفي او صحفيه تأدوها علي اكمل وجه، ومن هنا بقولكم انا عمري ما هتحدي قرار نقابة او هخالف اي قانون للنقابه وانا محترم كل قرار للنقابه".
وأضاف:"تاني نقطة هي هي نفس الجرايد كاتبه اني قولت ان اغلب الموظفين عندي في الشركة مهندسين ومحاسبين وكل يوم الصبح بجيبلهم طعميه والكلام الفارغ ده، مفيش طبعاً الكلام ده انا مؤدي مهرجانات ايه دخل المهندسين والمحاسبين بشغلي ؟ والكلام ده برضه مخرجش من لساني نهائي والي كاتب كده شخص عديم الضمير ولازم فعلياً يتحاسب علي اللي عامله".
وأشار:"انا فريقي مكون من موزعين وشعراء وفريق السوشيال ميديا وجرافيك ومونتير وعمال نظافه وبوفيه فقط، وأما بالنسبه للمطاعم فعندي عمال كتير الحمد لله ، وحاليا بجهز لمطعمي الجديد وبالفعل في مهندس ديكور لعمل تشطيبات المطعم ومش شغال عندي او معايا ده راجل بيأدي شغله فقط.. وطبعاً كل المهندسين والمحاسبين علي دماغي من فوق وليهم كل الاحترام والتقدير".
وأختتم بيكا حديثة، قائلا:"ياريت كل صحفي وكل جريده يبطلو بجد يقولو كلام يولع الدنيا ، لان بجد دي امانه وامانه هتتحاسب عليها قدام ربنا، قولي بالله عليك لما تيجي تقف قدام ربنا هتقوله ايه ؟ هتقوله انا كذبت عشان اركب التريند؟".
شاهد محتوى بث المباشر لحمو بيكا الذي ظهر فيه بالأمس