بعد وفاة شقيقه.. تامر حسين يوجه رسالة مؤثرة لرامي صبري (صورة)

حرص الشاعر تامر حسين، على دعمه للفنان رامي صبري، من خلال توجيهه رسالة له، بعد وفاة شقيقه كريم، الذي رحل عن عالمنا، يوم 11 يوليو 2021، وشيعت جنازته من مسجد الشرطة بالشيخ زايد .
تامر حسين: عايزك أنجح واحد خُد وقتك بس ارجع كمل
ونشر تامر حسين عبر صفحته الشخصية بموقع التواصل الاجتماعي "فيسبوك" منشورًا كتب فيه: "صديقي وأخي الغالي رامي صبري، أنا عارف زعلك وحُزنك على كريم الله يرحمه ويعوضكم بكُل الخير، عايزك تهرب من زعلك ده بالشغل والنجاح، ماتستسلمش كريم كان شايفك مثل أعلى ومتشرف بنجاحك، دايما عايزك أنجح واحد خُد وقتك بس ارجع كمل يا رامي بعد العيد، أنا عارف كمية المُناسبات اللي أنت لغيتها ومقدر، بس لازم نقف على رجلينا".
اقرأ أيضا هاني شاكر يتحدث عن تعاونه مع تامر حسين وعزيز الشافعي لأول مرة: "كنت في منتهى السعادة" (خاص)
تامر حسين لرامي صبري: محدش بيغير قدره
واضاف: "محدش بيغير قدره ياصديقي وبعدين إحنا كلنا اخواتك وضهرك وسندك، ومش هزعل معاك تاني ولا نقفش، اعتبرني زي كريم أخوك الصغير، وربنا يهون عليك أي صعب وباستسمحك إني هبقى ارجع أشير الأغاني بتاعتنا اللي تعبت فيها وعملت مجهود، عشان تنزل تعمل حفلات في الصيف، والناس تسمعها وده طلب كل أصحابك المقربين واعزمني في العيد عندك؟ الغدا اللي بحبه، الله يرحمك يا كريم ويغفر لك ويعوض أهلك كل الخير، ويخفف عنهم أمين".
وتابع: "عايز كل الناس المحترمة اللي عندي تشجع رامي يخرج من اللي هو فيه بكلامكم الطيب وكل حبايب رامي يبقوا جنبوا، أنا كتبت الرسالة هنا في العلن عشان لو بعتهاله لوحده، مش هتأثر زي ما ناس كتير ولاد حلال يفضلوا وراه".
وفاة كريم شقيق رامي صبري
جدير بالذكر أن كريم شقيق المطرب رامي صبري، توفي غرقًا في بحيرة المريوطية، وشيعت جنازته من مسجد الشرطة بالشيخ زايد، وأقيم العزاء في الشيخ زايد، وحضر العزاء عدد من الفنانين من بينهم: حكيم، ماجد المصري، مصطفى درويش، والمنتج وليد منصور، هاني رمزي، محمد عاطف الحلو، شذى، والملحنين محمد رحيم، ومصطفى جاد، وحسن الشافعي.