حاجة صعبة أوي.. ريهام سعيد تُعلن إصابتها بالسكر

أعلنت الإعلامية ريهام سعيد، إصابتها بمرض السكر، في الساعات الماضية.
وخلال فيديو "لايف" عبر حسابها على "فيس بوك"، قالت سعيد: "كنت دايما بتكلم عن الصحة وأقول إنها أهم حاجة، وطلع الصحة مربوطة بالحياة اللي أنت تختارها، طلعت تحاليلي مفيش أوحش من كدة والحمد لله، وهو من التحاليل اللي ضايقتني أوي بخصوص السكر".
وتابعت سعيد: أنا اكتشفت أن جالي سكر ودي حاجة لا ألوم عليها حد غير نفسي، لأن أنا اللي حملت نفسي فوق طاقتي وكنت دايما بقول إن ربنا مش بيدي حد حاجة غير على قد طاقته.. السكر للأسف حاجة بشعة ولازم تحارب وما تاكلش وما تزعلش ودي حاجة صعبة أوي وسط اللي بنعيشه حاليا، لأن إحساس الظلم أكتر حاجة بتوجع وبتصايق.
اقرأ أيضا ريهام سعيد تكشف أسباب رحيلها عن قناة النهار (الفيديو)
وواصلت سعيد: عايزة أنصحكم ما تجوش أبدا على نفسكم ومفيش حاجة مستاهلة لأن كله بتدابير ربنا، وأهم حاجة لو ليكم أعداء زي ما الرئيس قال: لما تكون عايز ترد على منتقديك ما تقعدش ترد على كل واحد".