بعد نشرها سورة الفاتحة.. متابعو غادة عبد الرازق يصفونها ب"الطاهرة"

حاله من الهجوم والسخرية الشديدة شنها جمهور التواصل الاجتماعى على النجمة غادة عبد الرازق، بعد تراجعها عن قرار إغلاقها حسابتها على مواقع التواصل الاجتماعى، وعادت من جديد وقد وضعت سورة الفاتحة على حسابها على موقع إنستجرام، ما فتح المجال أمام رواد صفحتها إلى السخرية من الأمر.
وعلق أحدهم متابعي غادة قائلا “إيه يا طاهرة اللي منزلاه ده، إنتى كدة هتعلمى الناس العفة... بطلى بقى وانزليلنا بالأباحة".
وأضاف آخر "أشك إنك حفظاها أصلا”، فيما علق أحد متابعيها قائلا "الله عليكى يا طاهرة، هعيط من الإيمان”.
واشتبك أحد المعجبين بغادة مع المعلقين قائلا "مين إنتم عشان تدخلوا فى علاقتها مع ربنا، دى حاجة شخصية، وتانى حاجة إلى يتفلسف ممكن هى تكون أقرب من ربنا منك، تخلف، دى ممثلة بتقدم فن وإحساس ورسالة، والعمل عبادة، ودى بتقدم حاجة، مش زيك قاعد تكسر فى مجاديف الناس، وبتتدخل فى حاجة لا تعنيك"، ثم وجه كلامه لغادة قائلا “ولا يهمك من أى رأى خلاص كلهم أولياء الله الصالحين.. ربنا يعلم كل واحد بينقدك هو عامل إيه فى حياته الشخصية تلاقيه بيعمل كل الموبقات... فسبيهم لربك هياخد حقك ولا تزعلى بتاخدى حسنات على حسابهم".
وأضاف معج آخر لغادة قائلا “نفسى أفهم حاجه هو ليه الناس بتحكم على المظاهر؟ مش فى واحده دخلت الجنة بسبب قطه؟ يبقى متحكمش على حاجه لإنك مدخلتش جوه قلوب الناس".
كانت غاده عبد الرازق قد أرسلت رسالة إلى جمهورها عبر حسابها قالت فيها “أنا بعتذرلكل جمهورى على إلى حصل منى بس والله كان غصب عنى.. أرجوكم متزعلوش منى، أنا بجد بحبكم جدًا، ورجعت بس علشان خاطركم.. بغض النظر عن الأسباب وأكيد أنا أقوى بربنا وبيكم".