باقولك إيه؟!

م انا العاشق لتراتيلك
وانا العاشق سواد ليلك
وعز الرنقة بادعيلك
وافوت في الصعب وأجيلك
واغني لك
في ميلادك وأعيادك
ومش ح استني حسادك
يقولوا إن انا مجنون
وإيه يعني م انا المفتون
وطول عمري عليكي باهون
وبادفع لك تمن نومتي
معاها قعادي مع قومتي
م انا إنتي
وعاشقك زي ماتكوني
ده حبك هو مكنوني
يا أحلي دنيا في كوني
وبرضه ياروحي ماتهوني
وكيف عاشقك وبتخوني
ولاتلومي اللي لاموني
ولاتصوني
ياخايناني مع الأوباش
وعمري معاكي عدني بلاش
وعقلي طاش
وأنا راسمك علي كفي
وعمري معاكي مايكفي
وصوفك ليه مابيدفي
وبادعي ربنا يشفي
ولفي قد ماتلفي
بلاش تنفي
لإنه مافيش خلاص منك
ولاح استغني يوم عنك
م إنتي مني وأنا منك
ولكنك
ياريت ترتاحي وكفايه
وعيشي معايا دنيايا
ماكناف عشقنا حكاية
ياسلوايا..