الإيمان والضمير

لما نور الحب يسكن ف الزوايا
لما تتحسن صورتنا، والنوايا
واما صوت الحق يعلا في ندايا
يبقي أغلي ماف حياتي من دقايق!!
ما في أغلي من حقيقة واضحة لينا
يترسم نورها- بشوق- جوا عنينا
يدي فرحة لكل غالي بينا جينا
يومها نشكر ربنا هو اللي خالق
ما في أجمل م الإيمان يدخل قلوبنا
تهنا روحنا بالأمان، وياحياتنا
بالصفا حنعيش حياة، ترضي ضميرنا
دا الضمير لازم يسود كل الخلايق!!
ايه يدوم لك يا ابن آدم غير ضمير؟!
هو يحرس نبض قلبك، والغفير!!
واللي يدي كل روحك شيء خطير!!
واللي.. يملا كل نفسك بالحقايق
أحمد علي جويلي- الاسكندرية