اديك عينيا إلي أحمد حرارة

في قلب ولد رماح
يفسر ولا يرتاح
يقرا كتاب النور
يسابق
السراب والسور
يعافر
في ريح الليل
وفاض الكيل
أسهل م الكلام مافي
وأمشي منفض كتافي.
أصعب من الفعل.. الجسارة.
أغبي شعور الخسارة.
مين قالها هزار؟
ومين اللي عمل اصرار؟
مين صدق النيه
وقال: أديلك عنيا؟

»علي وعلي وعلي الصوت
حق الشعب مش ح يموت«
تهجم جيوش الرصاص
في العدسة برق القناص
ابن الحديد والنار
آخر الخيانة العار
.. وتروح عيني اليمين
ولا صابني ليها حنين
ولن يروق البال
إلا أن صلح الحال
... »باطل
... باطل
... باطل«
وتروح عيني الشمال
ولا ينجرح لي خيال
ولا ح أبطل أجي
نظرتك هي سراجي
في الصفوف الأولي حاضر
قلبي مندي وناضر
زي الخضار
والضلمة بتوسع طريق للنهار