سلفادور دالي

عقرب الساعه اللي مُشْ داخل محطه ..
ريحة الوقت القديم
ضحكة الموت اللي راجع من بعيد
لما بيحطوا ف ملامحك
تفتكر إنك غريب
و المسافات اللي باقيه ع اللقا بينك و بينك
مش ح تظهر لك ملامحك
كل بُوحك ليه أسئله طارحه اندهاش؟
خللي لون البحر قابل إنه يرجع لك مسالم
(جالا) واقفة ف الخلا بتشحت غطا.
و انت الوانك لاساتره عورتك
و لارامية ضله ليمها
واقفه بتوشوش ودع
و لا بتحاول تموت جوه فعيونك ؟!
لما بتعزل بروحك للخلا
لما ترمي الاسئله فوق الورق
تطرح بيوت من غير غطا..
بتحس من فين الدفا ؟