علمناهم الشحاتة

إمبارح كانوا.
زي القطط
دلوقتي آل كل عين
تندب فيها ألف رصاصة
ودانه روسي
وصاروخ إسكوت
إسكوووت
ماسكوتش
علمناهم الشحاتة
سبقونا عليها
ولاعادش أبواب لينا تفتح
إنصاص وارباع
ورعاع قامت من جحورها
تاكل وتنكر
أبوضحكه أصفر م الصفار
لسه بيرسم ع المخاليق
إنه قادر علي فك الضيق
والمستحيل
ويعيش الدور
وبيعمل جدع
والمتهته
اللي يادوب لسه بيتنقل
زي العربية نص عمر
متخيل إنه هايعدي البحر
ولاينبلش
والمهووس
أبو نص لسان متبري منه
بيفكر إنه مالوش نظير
ينافسه جنانه
وزناخة مخه
وإن الهبلة معشماه
بجوازه سقع
واتنين بسكووووت
إسكت..
ماكسوتش
الله يرحم
أيام ماكانوا
ضل كلب
دلوقتي آل
تنهد ليهم عروق الأرض
وطق غيظ.