ارحل يا ربيع

عن بيتنا
ده قدومك ضيع ثورتنا
حتى أزهارك أكلتنا
وربيعك زود شكوتنا
قوللى يا ربيع
يا أبو جو بديع
ليه الأحلام مننا بتضيع
ليه الثوار كانوا أحرار
ومع الأيام أصبحوا أشرار
حتى الأزهار
محروقة فى النار
والحق بيصرخ وينادى
مقتول م التار
والحل فى دايرة مقفولة
مليان أسرار
يا ربيع احتارنا فى فصولك
ما تجيش أرجوك كتر خيرك
قضينا العمر لقدومك
جيتنا بالنار
قوللى يا ربيع يا أبو جو بديع
ليه الثوار أصبحو أشرار
والحاكم أصبح محكوما
وعتاب ومعاه اللوم
والكل أصبح متهنى
إنه مقسوم
ارحل يا ربيع ثورتنا
يمكن فى الصيف
تيجى راحتنا
والحر يطهر سكتنا
أصل المسألة مش ثورتنا
كل المشكلة سوء نيتنا
وضماير تحلف وتحاير
تقسم بالله
ويبات مظلوم ويشاور
وإيديه مغلولة فى أساور
وعيونه بكاها يا ناس حاير
من قولة آه
والباطل فايز الظاهر
والحق معاه
والدولة صبحت مش دولة
هدوها وخدوها مقاولة
والشعب الشاطر بأه أعمى
والعند عنده بالجملة
معقولة الثورة بأت عورة
والدم سكر وفرولة
يا خسارة الناس المحترمة
لا ليها حول ولا قوة
صمت الخزيان