الصورة عتمة

والشعاع مالوش أثر
حتى الأمل أصبح سواد ماتوا الولاد
بأيدينا دوسنا ع الزناد ليه العناد
واقفين نعطل كل شىء ضاعت الشهامة يا بشر
شربنا من مية عكارة حطولنا فيها سمهم
خلونا نكره بعضنا دخل الشيطان فى دمنا
الفكر د شكله غريب فى شىء مريب
يا رب أهديلنا الطريق كيد الأعادى وعزمهم
مرة يجولنا ف الصعيد حادث قطار
والتانية ماتش فى بورسعيد تحت ستار
والتالتة والرابعة والخمسين قامت رياح الخماسين
ولسة كلاب المليارات عملين معاهدة للفساد
مع كل تابع منهم
كان بلطجى أو زير نساء ضاع الولاء
ومعدش فيه غير الرياء تلاتين سنة ود طبعهم
أيه ذنب أطفال السجون غير حقد أعمى ف دمكم
هتروحوا فين يوم الحساب ومعاكوا نسخه م الكتاب
ظلمتم فى رضع شباب الشعر شاب
كتر العذاب ومصر حافظة اسمهم
والأمهات بكت السنين ودموع ما جفت ع الجبين
والصبر طال يا كل دين ما تئوم يا شعب الميادين
قول الحقيقة د شىء مهين إن أسمع صوت المجرمين
وأمشى على كيف دربهم
أخرب ليه ف بلد الأمان بلد المحبة والسلام
مصر العزيزة تقولهم مش هما دول أتباع محمد
ولا المسيح هيحبهم
ولا المسيح هيحبهم