الظلم فى الميادين

خرجت أقول لأ.. للظلم فى الميادين..
سلاحى هو الحق.. والدرع الوطن والدين
شايف ضباب وظلم.. وانتو مش شايفين..
لو الوطن الأم.. انتوا ولاد مين
قولت الحق فيكم.. وانتو قوام الدين..
والدم مالى أيدكم.. خزى وعار وطين
رصاص طالع جبان.. وبتترعش الأيدين..
بيعدى كام إنسان.. ويصيب عليه العين
وقع أخويا جنبى.. والدم فى الكفين..
يقول ده كل ذنبى.. دم الشهيد راح فين
دمى عليك حرام.. دنا أخوك فى الدين..
يوم القيامة ظلام.. فى لواء الغدارين
ودم عمر والجندى.. مكتوب على الجبين..
مهما تبرر عندى.. فى الآخرة مفيش تبرير
أنت شربت الدم.. ونسيت قول مُبين..
حرّم ربنا على الأرض.. تكون من التربيين
تقولى مات البرىء.. والدمعة على الخدين..
ونبض قلبك بطىء.. عشان عليه حجرين
طالع علينا تبكى.. جمعتى وأنا حزين..
والكدب فى وشوشكم يحكى.. وأنتو اللى بس مصدقين
فيكم الحق اتخنق.. والعقل فيه شياطين..
والدم بقى للأسف.. عندكوا ليه تحليل
إصحى وفوق يا عم.. قالوا إننا كافرين..
وأحلوا فينا الدم.. نسيوا أحنا مين
قال علينا إحنا.. إمام المرسلين..
تلاقينا فى أى محنة.. إيدينا متربطين
لو مات مليون شهيد.. للظلم نكون صدين..
والدم اللى مالى الأيد.. يقول إنكم بدئين
عرتنا وقتلتنا.. واحنا اللى صابرين..
مش كسر عين مننا.. أو تقول خيفين
ده عشان بنخاف ربنا.. عملين حساب للدين..
هتفضل على ظلمنا.. يا ويل الظالمين
ساعة ما تقفلوا الباب.. توقوله مش سامعين..
هتشوفوا منا عذاب.. بعدل الله مهين
الدين فى ايدك يهلك .. وأنت عليه آمين..
هيسألك عليه ربنا.. ويقولك هو فين
مش هو ده الإسلام.. اللى ليه عرفين..
تحل كل حرام.. وتقول ده قول مُبين
بعد الدم أيه فاضل.. عرفنا أنتم مين..
أنتم أكيد الباطل.. لكن أحنا أهل الدين