آه يا بلد ما فيش حاجة بينك وبيني

آه يا بلد مافيش حاجة بينك وبينى
ولا أعرفك ولا تعرفينى
كل المشكلة انك ساكنة فى نن عيني
كل مابهرب منك كل ما ابعد عنك
بالاقى نفسى فى حضنك
وعينك فى عيني
كل أما باجى أقول بحبك
ألاقيكى بتصديني
اه يا بلد نفسى أغنى وأنت بس اللى تسمعيني
ملامحى من ملامحك وطينك من طيني
نفسى أتكحل وأقفل عليكى عيني
نفسى أجيلك وتجيلي
أكتبك قصيدة ألاقيكى بتبكيني
أحترت معاكى وحيرتيني
نفسى ألاقيكى وتلاقينى
مش عارف لية حاسس بغربة
نفسى تططبى عليا وتضمينى
نفسى مرة وحدة تسمعينى
اه يابلد مفيش حاجة بينك وبينى
ولا أعرفك ولا تعرفينى
كل المشكلة أنك ساكنة نن عينى
كل ما بهرب منك بلاقى نفسى فى حضنك
وعينك فى عينى