الشاعر عبد الحميد بدوى يكتب : اه يا بلد

اه يا بلد مافيش حاجة بينك وبيني
ولا أعرفك ولاتعرفيني
كل المشكلة
... انك ساكنة في نن عيني
......
كل مابهرب منك
كل ما ابعد عنك
بالاقي نفسي في حضنك
وعينك في عيني
كل أما باجي أقول بحبك
ألاقيكي بتصديني
اه يا بلد نفسي أغني
وأنت بس اللي تسمعيني
ملامحي من ملامحك
وطينك من طيني
نفسي أتكحل وأقفل عليكي عيني
نفسي أجيلك وتجيلي
أحترت معاكي وحيرتيني
نفسى ألاقيكى وتلاقينى
مش عارف لية حاسس بغربة
نفسى تططبى عليا وتضمينى
نفسى مرة وحدة تسمعينى
اه يابلد مفيش حاجة بينك وبينى
ولا أعرفك ولا تعرفينى