أحلى حاجه ف عيد الأضحى إنى أول يوم العيد بدرى بصحى وأروح أصلى العيد وأنا أوى سعيد وأرجع أفطر فته غرقانه ف الصلصه وأخد العيديه من أبويا وأمى وأنا لابس جديد وأدعى ربنا يخليهوملى وأبوس الإيد وبسرعه من غير ما أتأخر بقعد أخطط وأفكر مين اللى زيارة النهارده هتخلى العيديه تزيد وأحلى حاجه يوم الوقفه كمان بكون صايم وبفتكر رمضان وبعد الفطار على أقرب جزار بجرى أتفرج على دبح الخرفان وأشم ف الجو ريحة الدبايح وأشوف الدم اللى ع الأرض سايح وعيال كتير بتجرى ف طوابير ورا الجزار اللى بدبيحته سارح والشوارع زحمه ف كل مكان والكل شايل لحمه غنى وغلبان يارب إجعل كل عيد على المسلمين سعيد والحمد لله على نعمة الإسلام