كانت أغنية فيلم "H دبور" ومازالت محط إعجاب الكثيرين، حيث تألق فيها أحمد مكى ب"راب" مصرى خالص، وحينما أطل علينا بأغنية إعلان نوكيا "N96 " (قوم صور أبلود املى النت، بحاجات موجودة فى مصر وبس)، تمنى الكثيرون منا أن يكمل أحمد فى احتراف أغانى الراب، وكأنه خلق ليفعل ذلك. الآن تعرض لأحمد مكى على التلفزيون أغنية خاصة بمناسبة عيد الأم، وتشاركه الديو الفنانة الشابة الموهوبة نهال نبيل، التى أبدعت فى غناء تتر البداية والنهاية لمسلسل "سارة"، كان يا مكان، وبنحبك يا دنيا بجد، بالإضافة إلى أغنية فيلم بالعربى سندريلا "آه من الأيام"، كما أصدرت لها شركة (دلتا هيتس) أغنيتين فى شريط جماعى هما "بعيش أوقات وشوفتك بعينى". أغنية مكى الجديدة تقول حنان ملهوش حدود.. أعظم إنسانة فى الوجود.. مهما أحكى اللى فى قلبى واللى نفسى أقولوا ليكى مش هيطلع حتى نقطة فى بحر إحساسى بيكى.. كان حلمك تبقى سعيدة مع جوز حنون عليكى.. تبدأوا حياة جديدة وولادك حواليكى.. يادوب حققتى حلمك جيه وهد البيت عليكى.. راح سابك وحيدة وساب ولادك حتى بيكى.. سابك محتارة وحزينة والولاد ماسكين إيديكى.. وبقى عندك اختيار بيت جديد وفرحة تانى.. أو تعيشى عمرك وحيدة مع ولادك الصغار.. مسئولية صعبة جدا وكونتى قد الاختيار.. قولتى هختار ولادى ولو هربيهم فى نار.. من النهاردة دول حياتى مش هسبهم مهما صار.. اللى قلك ليه تضحى واللى قلك دة انهيار.. واللى قال بكرة تيجى وتندبى سوء الاختيار.. الولاد دول كانوا إحنا.. أنا وإخواتى الكبار.. قدرتى تعدى بينا وتربينا ده انتصار.. وجاى أقولك بابتسامة.. شكرا يا ماما.. دعوة حلوة منك وإيديكى فى السما.. يسمع ربى منك.. وينورلى أنا.
