قولوا لمعالى الرئيس نفسى اكون جنبك أنا برضه مصرى اصيل والله وبحبك مش عضو ضمن الجماعه ولا من الاخوان بس بصراحه كده قلبى على قلبك ... أنا مسيحى كمان ودينى غير دينك بس ولادى وانا ومراتى عارفينك مخلص وعندك ضمير وقلبنا وياك وفى كل طلعت نهار نقوم وندعيلك ... كل اللى عايزه ياريس بس تسمعنى وخد بشورتى عشان دايما تشجعنى اصل الرئيس اللى قبلك جار عليّه كتير وكان ناسينى وكان دايما ملوعنى ... نفسى تكون البلد بين الجميع شركه متكنش عزبه ولا تكيه ولا تركه ميكنش حزبك جشع زى اللى كان قبله رئيسه كان الملك ومراته الملكه ومصر دايما تكون فى الصوره قدامك مسلم مسيحى هيبقى الكل اعوانك اوعى تميل كفتك واحده عن التانيه ونلاقى خير البلد رايح لاخوانك