رسالة إلى الشهيد

الحى مش أبقى من الميت
حبيبى ......
حبيبى على جثتك رقصو كتير أندال
وبدمك الطاهر جمعو كتير أموال
قلبوا الحقايق زرعوا الخوف ماااااااات الضمير وسط ألووف
قالوا عنك أنك مَيت وأنا فى بُعادك ببكى أهاااات !!
أنت فنظرى هتفضل ... حى ...
أما الخونة أكيد أموااات
قالوا الحى أبقى م الميت !؟
طب و أذا كان الميت حى !
وأنتم زى كلاب سعرانة تنهش لحمنا صاحى
يبقى صحيح أنتمُ أمواات
أما حبيبى ... اما حبيبى الميت... حى
علشان ضحى بروحوا و عمره علشان و طنه يفضل حي
أيوة شهيدنا لسه مامتشى و أوعوا تقولوا..... الأبقى الحى !!
أيوة صحيح أنا شايفاه غايب
بس أنا حاسة أنه قصادى
طيفوا قصادى
روحوا قصادى
قلبوا قصادى
بيقول جاااى
أيوة شهيدنا لسه ما متشى
أيوة شهيدنا أبقى ... وحى
ولسة الحب ف قلبى ما متشى
لسة حبيبى بحبك أكتر
كل شوية العمر بيجرى
ولسة الحب فى قلبى بيكبر
مهما قابلت ومهما هشوف
قسوة وغدر وخسَة وخوف
من أندال حواليك بتطوف
حبك لسه ف قلبى جدار
حاجز بينى وبين النار
يحمى القلب اللى أنت حبيبوا
يُصرخ يُصرخ أنا مش أسيبوا
لسه حبيب القلب دا عايش
طول ما الحب فى قلبى ما متشى