محمد إمام بعد حريق ديكور مسلسله الكينج: مش بركب تريند وبقول للجمهور أنتم كل حاجة حلوة

علق النجم محمد إمام على عودته لتصوير مسلسله الكينج بعدما تعطل التصوير بسبب حريق ديكور المسلسل، قائلا: "عاوز أقول حاجة من قلبي وحقيقي مش بركب تريند ولا الحاجات دي، أنا تقريباً كل زمايلي النجوم والنجمات وصناع الفن كلموني يطمنوا عليا بعد موضوع حريق استوديو الكينج، ده غير مسؤولين كبار في مصر والدول عربية، وبجد حسيت بحب وفرحة وامتنان، وبشكركم جداً على كل الحب والدعم ده، يا رب دايماً في ضهر بعض وبحبكم كتير جداً".


وأضاف محمد إمام: "و قبل أي حد، بشكر كل الجمهور اللي بعتلي رسايل أو الناس اللي قابلتها وأنا بصور في الشارع وحبوا يطمنوا عليا، انتوا كل حاجة حلوة ربنا يديم المحبة ويحفظ الجميع".

حريق ديكور مسلسل محمد امام
وكان حريق كبير قد نشب في ديكور مسلسل الكينج للفنان محمد إمام داخل منطقة الحارة بمنطقة التصوير المفتوحة، وتدخلت قوات الحماية المدنية فورًا وتمكنت من السيطرة عليه بالكامل.
وأدى الحريق إلى تلف جزء كبير من الديكور الخشبي الخاص بالمسلسل، من دون أي إصابات بشرية أو تأثير على المباني أو البلاتوهات أو المنشآت الإنتاجية داخل الاستوديو.