الرئيس السيسى بالندوة التثقيفية للقوات المسلحة: أوعوا تنسوا كرم ربنا وفضله على بلدنا والحفاظ عليها.. ويقسم: والله والله والله كرم ربنا عدى البلد على خير بعد عام 2011.. ويؤكد: "متفائل جدا بحالنا دلوقتى".. فيديو

قدم الرئيس عبد الفتاح السيسي، التحية لمجموعة من أبطال حرب أكتوبر المشاركين في الندوة التثقيفية للقوات المسلحة قائلا: "يوم جميل أوي أن إحنا نلتقي بأبطال عملوا وصنعوا واعدوا العزة لمصر".
وأضاف الرئيس السيسي، خلال الندوة التثقيفية للقوات المسلحة: "متشرفين بوجودكم معنا.. واسمحولي أن نقدم لك التحية تاني وتالت ورابع.. مش هتفوتني الفرصة.. أن ابقي موجود واتصور معاكم".
الرئيس السيسي: "اوعوا تنسوا كرم ربنا وفضله علي بلدنا والحفاظ عليها"
وقال الرئيس عبد الفتاح السيسي: "أوعوا تنسوا كرم ربنا سبحانه وتعالي.. ده فضل ربنا علينا.. وكل الشكر والحمد ليك يارب على دعمك وسترك ونصرك وتوفيقك لينا.. لازم تعرفوا ده كويس.. ودائما الفضل لربنا.. الفضل كله في أي حاجة".
وأضاف الرئيس السيسي: "الفضل كله من أول أكتوبر ويمكن هي حكاية دلوقتي بتتحكي .. كان صعب أوي الفترة دي.. كل ساعة وكل يوم.. زي ما شفتم في العمل الفني اللى اتقدم قد ايه الناس كانت متلخبطة ومش مصدقه ومش واثقة ومفيش أمل.. في حاجة خالص.. بالحسابات اللى هي.. الحسابات في الظروف اللى زي كده كان فعلا الفرص مش كتير للنجاح.. وبرضه تاني كان ربنا معانا".
الرئيس السيسي عن ظروف مصر قبل حرب أكتوبر: "فرق بين الحكاية وأنك تعيشها"
تحدث الرئيس عبد الفتاح السيسي خلال الظروف قبل حرب أكتوبر وفضل ربنا على الدولة المصرية وقتها قائلا: "خط بارليف على قناة السويس.. خلي بالكم يعني.. لكن بين قناة السويس والحدود 200 كيلو".
وأضاف الرئيس السيسي، خلال كلمته في الندوة التثقيفية للقوات المسلحة: "الموضوع يعني من كثر الأحداث فيه نقاط كتير وتفاصيل كتيرة يمكن متبقاش واضحة لينا.. مهما قولنا وحكينا فيه فرق بين الحكاية وأنك تعيشها.. إنك تحكي حاجة أو تعيش التفاصيل".
من أول أكتوبر.. وحتي في 2011 والله والله والله كان كرم من ربنا أنها عدت على البلد دي بخير.. أنا بحلف.. واوعوا تفكتروا.. أن علشان حد كان موجود ساعتها.. إرادة ربنا.. ربنا اللى أراد.. يارب دايما يكرمنا
الرئيس السيسي: يد الله كانت موجودة مع مصر وحفظتها آخر 15 عام
أكد الرئيس عبد الفتاح السيسي، أن يد الله كانت موجودة مع مصر وحفظتها آخر 15 عام، قائلا: "بنقولها ونحكي الفترة التي تقريبا 15 سنة منذ 2011.. كان برضه خلال الواقع اللى بنعيش فيه حوالين منا بيأكد أن يد الله كانت موجودة مع مصر وحفظتها وعبرت بيها وساندتها".
وأضاف الرئيس السيسي، خلال كلمته في الندوة التثقيفية للقوات المسلحة :"ده في حد ذاته كرم من ربنا.. دول كتير حصل لها ظروف زي ظروفنا.. والظروف الصعبة كتير وعدد السكان في مصر مش بسيط.. هو مالك المك وأمره نافذ".
الرئيس السيسي: "اللى حصل في عام 2011 كان شكلا من أشكال الحرب"
أكد الرئيس عبد الفتاح السيسي، أن أحداث عام 2011 كانت شكلا من أشكال الحرب، قائلا: "محدش يقدر يحمي بلدنا زي ما ربنا حماها.. وبقولها بملئ الفم.. محدش يقدر يقف ضد إرادة ربنا.. لم يخلق.. بس أحنا كبشر نحاول نكون منصفين بأن نقول ده.. وأيضا نشكره على ده علشان يساعدنا.. من حمده زاده".
وأضاف الرئيس السيسي، خلال كلمته في الندوة التثقيفية للقوات المسلحة: "البلد اللى هتنجي من حرب أهلية هتدمرها بالكامل.. ودي حرب تانية.. اللى حصل في 2011 كان شكل من أشكال الحرب.. مختلف عن حرب أكتوبر وما قبلها.. ربنا أراد أنها تنجو.. وتقف".
أكد الرئيس عبد الفتاح السيسي، أن الدولة المصرية ظلت تواجه بعد أحداث 2011 الإرهاب من الأشرار، قائلا: "والله أشرار ولو يعرفوا ربنا ميعلوش كده.. ربنا سبحانه وتعالي حمي بلدنا.. الجيش والشرطة والشعب المصري.. وكل مؤسسات الدولة في النهاية مصريين.. وكل بيت فيه شهيد وجريح وأثر الجرح موجود حتى الان.. هو مصري دفع الثمن من أجل مصر.. والحفاظ عليها.. القضاء على الإرهاب.. انتهاء الإرهاب.. دول كتير قعدت عشرات السنين تحارب ولم تنجح".
وأضاف الرئيس السيسي، خلال كلمته في الندوة التثقيفية للقوات المسلحة: "فضل الله والشكر والمنة ليك يا رب.. نجحتنا ونصرتنا.. حد يقول كل حاجة هو.. كل حاجة هو اه.. لانه المعين بالأسباب.. وتكون قادر.. وان شاء الله لكن لما يكرمك ويفوقك مش تنسي ده.. عدت المرحلة الصعبة دي.. حتي أحداث ال 5 سنوات الأخيرة في كورونا والناس كلها بتقول أن الدنيا هتفضل كده.. كالعادة كل مرحلة تنتهي وعدت الأمور علينا بخير وسلام".
أكد الرئيس عبد الفتاح السيسي، أن الوضع خلال فترة حرب غزة كان صعبا وكنا نحاول قدر الإمكان إيقاف الحرب والسيطرة على الوضع، متابعا: "في وسط هذا الكلمة كانت مهمة.. وتأثيرها خطير.. الكلمة تبقي نور تدخل الانسان الجنة.. أو تدخله النار".
وأضاف الرئيس السيسي، خلال كلمته في الندوة التثقيفية للقوات المسلحة: "مين متصورين أن مصر تأخد إجراء وتحارب علشان اللى بيحدث في غزة؟!.. مطلوب أن مصر صاحبة ال 110 مليون وفيه 10 مليون ضيوف.. ومقدرات ومستقبل الدولة ومستقبل شبابها نضيعه علشان يعني فكرة أو وجهة نظر موجودة".
وتابع الرئيس السيسي: "شوفوا اليوم اللى تحصل فيه حرب البلد شهور وسنين.. الساعة الوحدة تأخر البلد سنين.. مش اليوم والشهر والسنة.. الساعة الواحدة فقط".
قال الرئيس عبد الفتاح السيسي، أن مصر تكلفت 100 مليار جنيه في حرب الإرهاب غير الشهداء، متابعا: "ده غير المصابين من الجيش والشرطة والقضاء وأبناء الشعب.. 100 مليار جنيه تكلفة القوات المسلحة.. 150 مليار تكلفة الدولة بعد أحداث 2011 حتي عامي 2013 و2014 والأوضاع التي حدثت وتأثيرها على الاقتصاد.. أرقام ضخمة وتداعيتها وتأثيرها يستمر لفترة طويلة".
وأضاف الرئيس السيسي خلال كلمته في الندوة التثقيفية للقوات المسلحة :"رغم أن العقل أن الظروف صعبة والأوضاع قاسية لكن عندهم قلب وإرادة للتغيير.. و فيه محاولة جادة لتجاوز ده".
اقسم السيد الرئيس عبد الفتاح السيسي خلال الندوة التثقيفية للقوات المسلحة قائلا: والله احنا بنعمل حساب للرأي العام قوى لكن التحدى كبير قوى ولابدأننا نجتهد ونعمل أقصى جهد بيكم انتم بتحملكم والله أنا مش بجامل بيكم لازم نعبر ظروفنا الصعبة ولابد ان يتحسن اقتصادنا
قال السيد الرئيس عبد الفتاح السيسي: رغم ان الناس ربما تجد الظروف صعبة ولكن هناك رغبة جادة من الدولة لتجاوز هذه الأوضاع .
وأكد ان الحروب لها صورا مختلفة وما نحن فيه هو حرب لتغيير واقعنا الاقتصادى وأحوالنا، لافتا الى ان التحدى كبير جدا وعلينا ان نجتهد ونحن نستطيع بكم وبتحملكم ، بكم لابد ان نعبر ظروفنا الصعبة وان يتحست اقتصادنا با يليق بنا وبكم وبأولادكم وأحفادكم القادمين ان شاء الله.
وقال السيد الرئيس عبد الفتاح السيسي خلال الندوة التثقيفية للقوات المسلحة: إن هذا اليوم من الأيام الجميلة ان شاء الله وأنا متفائل جدا جدا بحالنا دلوقتى ، يمكن في الكلمة هقول بعض النقاط الإيجابية التي حققناها والتي ساعدنا فيها ربنا كالعادة ، وعاوز أقولكم الحرب مش بس بالسلاح لكنها بالمعرفة والاقتصاد والعلم والوعى والإرادة وبالثقة والتحمل كلها من أشكال الأسلحة ، علشان كده عملوا حكاية السفارات "مكر والله.. كذب . وإفك" لكن هي السياسة كده لكن الله سبحانه وتعالى مطلع .. شفتوا العزة ؟ مش احنا هو دائما ربنا ما يحرمنا أبدا من دعمه ومن نصره ويشرفنا دائما برضاه دائما وأبدا.
https://www.youtube.com/watch?v=362O9x-GRSo