نجل عمار الشريعى يروى أسرار فى حياته: علمنى الصبر والعزيمة ومافيش كلمة مستحيل

تحدث مراد عمار الشريعى، نجل الموسيقار الراحل عمار الشريعى، عن أسرار فى حياة والده فى ذكرى ميلاده، قائلا:" كان أبويا وصاحبى وموسيقار عظيم اللى ربى أجيال وأجيال لسه هتتربى على أعماله، وكان بيحب يحتفل بعيد ميلاده، لأن حب الناس من غير أى دعاوى كان شئ جميل، لأن فى اليوم ده كنا بنلاقى صحابه من يوم الطفولة فى البيت ومن العيلة والفنانين والفنانات".
وأضاف مراد عمار الشريعى، خلال مداخلة لبرنامج "الستات مايعرفوش يكدبوا" المذاع على قناة سى بى سى، أن "والدى ماكنش بيجبرنى على عمل شئ معين، كان بيضعنى فى مكانة الاختيار والحرية فى الرأى، وأخد القرار بالفطرة، ودى نصيحة ماشى بيها فى حياتى".
وتابع مراد عمار الشريعى: "أخذت صفات كثيرة من والدى، وتعلمت منه الصبر وبالإصرار والعزيمة ممكن أى حاجة تحققها ومافيش كلمة مستحيل ودى لغاها من قاموس تربيتى".
وذكر: "ذكريات والدى مع أصحابه جميلة، وكان بيفرح لما الأهلى يكسب، وكان بيحب كل اللى رافقوه من أول المشوار زى الشاعر الكبير سيد حجاب، والفنان على الحجار، ومدحت صالح".