محافظ بني سويف يلتقي أعضاء قافلة (البحوث الإسلامية) لمتابعة فعاليَّاتها الدعويَّة    القومي للمرأة يشارك في قمة الإبداع الإعلامي للشباب العربي    جامعة المنصورة تُشارك في انطلاق النسخة الثانية من مبادرة كن مستعدًا    جهاز حماية المستهلك يكشف شروط الاسترجاع واستبدال السلع بالأوكازيون الصيفي    «الإسكان» توضح أسباب سحب الأرض المخصصة لنادي الزمالك    البيت الأبيض يزعم: حماس وافقت على مقترح الصفقة خوفا من تصريحات ترامب    كرم جبر يكتب: مصر والعرب.. الحكمة في زمن الارتباك!    المصري يرفض الخسارة أمام بيراميدز في الدوري    اندلاع حريق في عقار سكني بالكرنك بالأقصر والدفع ب4 سيارات إطفاء (صور)    أحمد سلامة: ملتزمون بمساعدة نجوى فؤاد (فيديو)    4 أبراج لا تستطيع بدء يومها بدون قهوة.. القوة المحركة لهم    بيان رسمي من مديرية الشؤون الصحية بمحافظة الدقهلية بشأن وفاة الطفل مالك    وكيل وزارة الصحة بكفر الشيخ بتابع سير العمل في مستشفى الحميات    "تعليم الشرابية" توجه بسرعة رفع المخلفات وتكثيف أعمال التشجير بالمدارس    حزن في كفر الشيخ بعد وفاة والد كابتن محمد الشناوي إثر حادث سير    فرقة لاثونا جايتيرا الكولومبية تقدم حفلا فى مهرجان القلعة (صور)    114 ألف دولار نفقة شهرية.. تعرف على شروط انفصال كريستيانو وجورجينا    رئيس الرقابة على الصادرات: معمل اختبار الطفايات المصري الثالث عالميا بقدرات فريدة    مبابي وفينيسيوس يقودان هجوم الريال ضد أوساسونا في الدوري الاسباني    تقرير: باير ليفركوزن يقترب من استعارة لاعب مانشستر سيتي    طاهر النونو: مقترح بتشكيل لجنة مستقلة لإدارة غزة فور وقف إطلاق النار لتسهيل إعادة الإعمار    إعلان القائمة القصيرة لجوائز الصحافة المصرية (دورة محمود عوض 2025) وترشيحان ل«الشروق».. تفاصيل    تعدّى على أبيه دفاعاً عن أمه.. والأم تسأل عن الحكم وأمين الفتوى يرد    هل الكلام أثناء الوضوء يبطله؟.. أمين الفتوى يجيب    مصرع طالب غرقًا في سمالوط بالمنيا    شروط تركيب عدادات المياه الجديدة 2025.. قرار وزارة التموين والتفاصيل الكاملة    نابولي يعلن ضم مدافع جيرونا    "ابني كريم رد عليا".. صرخة أم في سوهاج بعد أن ابتلع النيل طفلها (القصة الكاملة)    كيف تعرف أن الله يحبك؟.. الشيخ خالد الجندي يجيب    "رقص وفستان جريء".. 20 صورة ل ميريام فارس من حفلها بالسويد    بصحبة زوجة كريم محمود عبدالعزيز.. ريهام أيمن تنشر صور جديدة لها    اضطراب فرط الحركة وتشتت الانتباه (ADHD)، التشخيص والعلاج عند الأطفال والكبار    أمين الفتوى ل الستات مايعرفوش يكدبوا: لا توجد صداقة بين الرجل والمرأة.. فيديو    لليوم الرابع.. "مستقبل وطن" يواصل اجتماعات لجنة ترشيحات النواب استعدادًا لانتخابات 2025    بنك القاهرة يطلق حملة ترويجية وجوائز لحاملي البطاقات الائتمانية    تقارير: 200 طفل يصابون يوميا بسوء تغذية حاد    محامي بدرية طلبة يوضح حقيقة إحالتها للمحاكمة ب«إساءة استخدام السوشيال ميديا» (خاص)    4374 فُرصة عمل جديدة في 12 محافظة بحد أدنى 7 آلاف جنيه    جهاز الاتصالات: إيقاف الهواتف التي تجري المكالمات التسويقية الإزعاجية بداية من الأسبوع المقبل    عمرو دياب يرقص على موسيقى «أشغال شقة».. وهشام ماجد: «يا مسيطنا في كل حفلة» (فيديو)    نفق وأعمال حفر إسرائيلية جديدة داخل ساحة البراق غرب المسجد الأقصى    وكيل تعليم بالأقصر يتفقد التدريب العملي لطلاب الثانوية الفندقية على أساسيات المطبخ الإيطالي    الشيخ خالد الجندى: افعلوا هذه الأمور ابتغاء مرضاة الله    بالصور- وزير العدل يفتتح مبنى محكمة الأسرة بكفر الدوار    صور.. النقل تحذر من هذه السلوكيات في المترو والقطار الخفيف LRT    بعد جولة مفاجئة.. محافظ الدقهلية يحيل مسؤولين بمستشفى نبروه للتحقيق    مواصلة الجهود الأمنية لتحقيق الأمن ومواجهة كافة أشكال الخروج على القانون    لافروف: أجواء محادثات بوتين وترامب فى ألاسكا كانت جيدة للغاية    الأرصاد: اضطراب الملاحة على البحر الأحمر وخليج السويس والموج يرتفع ل3.5 متر    ضبط 433 قضية مخدرات فى حملات أمنية خلال 24 ساعة    "الموعد والقناة الناقلة".. النصر يصطدم بالاتحاد في نصف نهائي السوبر السعودي    صعود جماعي لمؤشرات البورصة بمستهل جلسة اليوم    وزير الدولة للاقتصاد والتجارة والصناعة الياباني: الاقتصاد المصري يحتل أهمية خاصة للاستثمارات    إلغاء إجازة اليوم الوطني السعودي ال95 للقطاعين العام والخاص حقيقة أم شائعة؟    «100 يوم صحة» تقدم 52.9 مليون خدمة طبية مجانية خلال 34 يومًا    عماد النحاس يكشف موقف الشناوي من مشاركة شوبير أساسيا    رابط نتيجة تقليل الاغتراب 2025 بعد انتهاء تسجيل رغبات طلاب الثانوية العامة 2025 للمرحلتين الأولي والثانية    «ثغرة» بيراميدز تغازل المصري البورسعيدي.. كيف يستغلها الكوكي؟    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



(افتح قلبك مع د. هبه يس).... متى يصبح فى بيتنا رجل؟
نشر في اليوم السابع يوم 23 - 05 - 2012

أرسل لى عدد غير قليل من البنات الى زى الفل، الى تتراوح أعمارهم ما بين 27 إلى 35 سنة، الى تقول لى إن عمرها ما اتقدم لها عريس عدل، والى تقول لى إنه أكتر الى بقوا يتقدموا لها دلوقتى متجوزين أو مطلقين، والى تشكى لى إنه ما بيجيلهاش غير (عاهات) المجتمع، والى كاتمة فى قلبها وساكتة ومش قادرة تقول إنه مابيجيلهاش عرسان من أساسه!!!!.
وطبعا البنت من دول أول ما تعدى ال 25 يبدأ بقى (النزناز) يشتغل، هى ماتجوزتش ليه؟، هى قاعده لغاية دلوقتى بتعمل إيه؟,هى عيبها إيه؟، ياترى هى الى بتتشرط ولا محدش بيجيلها؟، وهلم جر من الأسئلة والنظرات والتلميحات المباشرة وغير المباشرة، لغاية ما البنت تشك فى نفسها بجد، وتبدأ تاخد وتدى مع نفسها لغاية ما تتجنن ياعيني...هو أنا فيا إيه غلط؟، فى إيه ممكن يتعمل أنا معملتوش؟، ازاى أخلص من إحساس إن فى حد بيجرى ورايا ده، وإنى لازم أتجوز النهاردة قبل بكرة؟.
وإلى كل البنات دى بأقول: أنا عارفة ومتأكدة إنك ممكن تكونى متعلمة كويس جدا، واحتمال تكونى بتشتغلى شغلانة محترمة، وأهلك ناس كويسين، وشكلك مقبول إن لم تكونى جميلة، وبالرغم من كل ده بتعانى من المشكلة دى، لأنه غالبا يا حبيبتى العيب مش فيكى، دى مشكلة مجتمع كامل، بلد بحالها، سياسة متخلفة، اقتصاد فاسد، بطالة متفشية، جو ملىء بالإحباط وخيبة الأمل، وكل ده للأسف (عك) على دماغك انتى فى الآخر، انتى والى زيك من بنات وشابات هذا الجيل، ويمكن الجيل الى قبله كمان، عشان كده عايزاكى تخفى من على نفسك عبء إنك انتى الى غلطانه، أو انك (معيوبه) كما يقذفك البعض منهم لله.
لكن عشان نكون عمليين وواقعيين، تعالى نفكر مع بعض شوية، فى 3 أنواع من البنات هى الى بتكون سبب فى عدم عثورها على الشخص المناسب، لو انتى واحده منهم يبقى ياريت تاخدى بالك، و تنتبهى لتصرفاتك الى ممكن تكون هى الى عاملة فيكى كل ده:
1) البنت عالية المعايير:
البنوته دى واحدة عارفه إمكانياتها، وفاهمة وضعها كويس، وعارفة كمان هى عايزه تتجوز مين بالضبط، محددة مواصفاته، وعارفه هى عايزة شكله إيه تماما، عشان كده هى طول الوقت بتدور على الشخص الى فيه المواصفات دى بالضبط، وبحذافيرها، بدون أى مرونة أو تنازلات، يعنى هى عايزه واحد 10 على 10 من أحلامها، 9 من 10 لأ ما ينفعش.
لو كنتى من النوع ده، عايزه أقولك برافو عليكى انك عندك رؤية وتصور، وفاهمة انتى عايزه واحد شكله ايه، لأنك بكده هاتوفرى على نفسك تجارب كتير فاشلة، لكن خدى بالك عشان الموضوع لما بيزيد عن حده بينقلب لضده، لازم تعرفى انك مش هاتلاقى (السوبر مان) ده الى فيه 100% من مواصفاتك، لأنه للأسف مفيش عريس تفصيل، الموديلات المتاحة كلها جاهزة، وبالتالى لو لقيتى واحد فيه 70_80% من المواصفات الى انتى عايزاها، يبقى ماتتردديش وتوكلى على الله فورا، لأنك لو رفضتيه هاتبقى بكده ضيعتى أفضل ما يمكن بالنسبه لك.
على فكره الكلام ده مش كلامى، ولا رأى شخصى افتكسته من دماغى، لأ ده كلام المستشارين الأسريين بتوع أمريكا نفسهم، لأنهم عملوا أبحاث وإحصائيات حول الموضوع ده، و لقوا إنه مش ممكن نلاقى شخص فيه أكتر من 80% من أحلامنا على أرض الواقع، فبلاش تضيعى الشخص ده، وتضيعى وقتك فى انتظار وهم أو سراب.
2) البنت التى بلا معايير:
البنوته دى بقى عكس الأولانيه تماما، دى مش عارفة هى بتحب إيه، عايزة إيه، بتحلم براجل شكله ايه، البنت دى مقتنعه إنه ضل راجل ولا ضل حيطه، والمطلوب راجل والسلام، اعتقادا منها إنها بكده بتسهل على نفسها، وبتكتر من الخيارات المتاحة أدامها.
والنتيجة بتكون انها (بتلم) حواليها ناس دون المستوى، أو ناس عندهم مشاكل دايما، لأن لسان حالها بيقول (أنا راضية بأى حد وبأى وضع) ، وفعلا بتلاقى نفسها دايما مضطرة تختار أحسن الوحشين.
عشان كده لازم تعرفى إنه فى حد أدنى من المعايير ماتتنازليش عنه، يعنى مطلوب من حضرتك انك تقعدى بينك وبين نفسك كده وتحددى على الأقل 5 مواصفات لشريك حياتك، مش اقل من كده، فكرى فى أكتر 5 حاجات بتحبيها أو بتتمنيها، ولا تسمحى لأى واحد مافيهوش تلاته من الخمسة دول إنه يقرب منك، ماتفضليش فاتحة الباب كده لكل من هب ودب إنه يدخل حياتك ويجرب حظه معاكى، ده إهدار لمشاعرك ووقتك، وسمعتك إحيانا، لأنه إحنا فى مجتمع مابيرحمش، وهاتلاقى الى يقولك دى كل يوم والتانى مع واحد شكل.
3) البنت (الطاردة) للعرسان:
دى بقى البنت الى بتشتكى إنه مفيش حد بيتقدم لها، ودى ممكن يكون لسبب من السببين:
الأول: إنها تكون بتدى دائما انطباع الاستغناء، يعنى ممكن تكون بتشتغل، ليها دخلها، عايشة حياتها ، عندها عربيتها ويمكن شقتها كمان، وطول الوقت بتفصح عن انها مش ناقصها حاجة، ومش منتظرة حاجه من حد، عايزة أقول لك معلومة مهمة، وهى ان الراجل دايما يحب انه يكون له ضرورة وأهمية ودور فى حياة الست الى هايرتبط بيها، وممكن جدا يكون حواليكى ناس بتفكر فيكى لكن خايفة تقرب منك، عشان مش حاسين انهم ليهم لازمة فى حياتك.
لو الوضع كده ياريت تخففى من استعراضك لإمكانياتك شوية، بسطى الأمور أكتر، عشان ماتكونيش بتدى انطباع انك هاترفضى أى حد بيجيلك لأنك مش محتاجاه، ولو حتى معنويا.
السبب التانى: إنك تكونى (الشخص الغلط فى المكان الغلط)، بيقولوا إن البنت زى الفستان، لو فستان سهرة محطوط فى محل كاجوال محدش هايشتريه، ولو فستان كاجوال محطوط فى محل سواريه برضه محدش هايشتريه، يعنى راجعى البيئة والمجتمع والوسط الى انتى حاطه نفسك فيه، لأنه ممكن جدا مشكلتك تتحل لو تواجدتى فى المكان المناسب، المكان ده ممكن يكون شغل لو مكنتيش بتشتغلى، أو شغل جديد لو مستوى الناس مختلف عنك فى مكان شغلك، أو نادى، أو مسجد، أو مكان دراسة، أو أى مكان تحسى أنه شبهك وأن الناس الى فيه زيك، وممكن تلاقى فيهم نفس مستواكى.
حاجه أخيره عايزة أقولها عشان البنات تطمن، يا حبيبتى كونى متأكدة إنه (ما أصابك لم يكن ليخطئك، وما أخطأك لم يكن ليصيبك)، اطمنى محدش بيروح عليه رزقه، ومحدش بياخد نصيب حد، وكلنا ماشيين فى أقدار مرسومة لينا من قبل مانتولد، يعنى اعملى الى عليكى فى انك تحافظى على نفسك، وادعى ربنا دائما وابدا انه يزقك الزوج الصالح _ وده شىء أساسى لا تغفليه أبدا_ وسيبى الباقى على الله، وخليكى دايما متأكدة انك كده أحسن ألف مرة من البنت الى بتتجوز أى جوازه هربا من العنوسة، وبتكون النتيجة عيشة نكد، وأطفال تعساء، ومشاكل بلا حصر، صدقينى انتى أحسن بكتير، وعلى رأى عمكو (صلاح جاهين)....ماتفتكروش يا بنات إن الجواز راحة.
للتواصل مع د. هبه يس و افتح قلبك:
[email protected]


انقر هنا لقراءة الخبر من مصدره.