مصر أولاً

مش كرسى لأى رئيس
اللى يحب يدى يدى لو كان حريص
المخلص يدى بيته ومصر لو عطاء
لأن مصر بيته وفى قلب البسطاء
الشريف بيدى لو نايم على الرصيف
وكل أمله يدى وأخره نص رغيف
يا حالم بالرئاسة للمنظرة والجاه
حلمك نهايته قبرك ويدوس عليه مشاه
الكرسى مش مكيف الكرسى كله عناه
دى مطالب مصر كتيرة عايزة تشيل معاناة
اتركمت يا رئيسى القادم د ابتلاه
من حاكم فاسد سابق حكمنا بالعصاه
لو جيت يا ريس أشرف وحكمت بعدل الله
هنشيلك فى قلوبنا ونقول عليك سعداه
د مصر عايزة ريس يكون شريف وكيس
ميكونش مرة عميل ولا ماشى بكلمة ريس
يا فرحى لو عدينا ويا حزنى لو ملينا
هتعدى بينا بحور لا الناس هتقولك غور ده منك استوينا
يا رب وفق بينا واحد من مصر لينا
يكون ابن حلال يسعى ويبنى أمال لكل مصرى فينا
نعوض السنين اللى كانوا ثلاثين واثنين ضاعوا منينا
اتمنى يجى رئيس مخلص مصرى حريص يكون قلبه علينا
نحط إيدنا فى إيده ونقول ياللاه بينا
دى مصر أولاً