عاشت مصرنا حرة أبية

والله ما أحببت غيرك.. أدعو لكِ فى صلاتى بالنصر المبين، وأن يحفظك الله عز وجل من كل مكروه، ربنا يخليكى ولا تذلى أبداً.. مالية علينا الحياة بالحب والأمل والعطاء، حبك لينا نور قلوبنا بالخير.. وترابك أغلى من كنوز الدنيا وما فيها.
عارفين مين هيه؟ هى أمى وأم كل المصريين.. هى زهرة جميلة فى بستان الوانه غطت الكون كله.. هى (مصر) . مصر التى فديناها فى حروب كثيرة. مصر أمل كل مصرى (مسلم أو مسيحى) عايش على أرضها يتمتع ويشرب من نيلها.. (مصر) اللى كبرت أولادها فى حضنها وأصبحوا علماء ومفكريين والآن يضرب بيهم المثل فى العالم كله. مين يقول إن مصر غابت عننا، مين يقول إن مصر مش حلمنا.. ده (مصر) أملنا وحبنا.
واللى خانوا ( مصر) حيندموا على اللى عملوه ، وأى ندم ؟! بكاء وحسرة وصراخ على الخيانة ، علشان ( مصر) ما تستهلش كده .. والله لا بالمال ولا بالسلطة نبيع ( مصر ) لحد تانى.. ده الخائن قلبه اسود ميعرفش ان اللى يبيعه النهارده يكون خسارة كبيره على أولاده بكره .. بكره تبكى يا خائن وميكونش لك مكان فى قلوبنا والخيانه بالطبع تدمر أسرتك وتهين أهلك ، واعلم يا خائن أننا نعشق تراب (مصر) ونقبل تراب أرضها. وحققنا جزء كبير من أحلامنا بفضلها .. ( مصر) حضنت أولادها وخافت عليهم من كل طاغى مستبد ومعتدى آثيم ، وللأسف يطلع من أولادها شياطين عملاء – خونه يدمروا كل اللى بنته فى سنين طويله ، العيب مش عليهم ، العيب على اللى ربوهم .. ربوهم على الكراهية وحب السلطة والمال، والحق والعدل مش كده لأن (مصر ) متستهلش كده . والأديان جميعها غير راضية عن أعمالهم لأن رب العالمين أوصى ب(مصر) خيراً وأمنها من كل شر . (مصر) ده امكم والعاق لامه مصيره جهنم وبئس المصير، أوعوا تفتكروا ان ده انتصار لحقدكم .. لا ده خباثة وقلت قيمة من عندكم.
ياما ناس كثيرة ضحت فى سبيل ( مصر) فى مجالات كثيرة .. بالدم والتعذيب والجوع والحرمان ، لا بكت ولا قالت ليه يا أمى.. علشان بتحبها وتعشق ترابها الغالى العزيز .. وأنا وأمثالى عندنا أمل كبير فى بكره، وحاسس ان ربنا حيعلى امنا (مصر) وتصبح أم الدنيا كما كانت، والعالم كله حيعرف ان قلب (المصرى) ودمه مش ملك كل مغتصب جبار ظالم.. ولكن قلب (المصرى) ملك (مصر) وحدها وحبه الصادق دائماً لمصر. عاشت مصر حره .. عاشت (مصر ) بعيدة عن الخيانة . بالأمل نحيا .. وبالعمل الجاد نعيش ونعلوا.. وبالاتحاد نصبح اقوى دولة فى العالم رغم أنف كل معتد ظالم على أرض الحبيبة (مصر) عاشت مصرنا وعاش شعبها المخلص الوفى.