نصائح المصريين لليونانيين: طوبتك ف إيدك.. خميرتك فى جيبك

مشهد المظاهرات التى اشتعلت فى اليونان لرفض خطة التقشف، وأدت لاندلاع الحرائق فى مبانى أثينا، يذكرنا بالثورة المصرية منذ البداية، حتى إن بعض النشطاء على مواقع التواصل الاجتماعية ربطوا بين الثورة المصرية واليونانية بتعليقات مثل: "مصر واليونان إيد واحدة".
وتواردت التعليقات الكوميدية الساخرة للربط بين الثورتين، حيث جاءت بعضها لتشير إلى تكرار نفس المشهد، فنجد مثلاً الفنان عمرو مصطفى يظهر مجدداً فى اليونان، ولكن بشكل جديد، وهو: "الفنان عمروس مصطفوس اليونانى يصرح بتصريح خطير قائلاً: لمن يتذكر الفيلم المصرى "لا تراجع لا استسلام" فى أحد المشاهد قال حزلئوم "هما اليونانيين بقوا شبهنا كده ليه"، فى إشارة إلى ما سيحدث فى اليونان مستقبلاً، ويؤكد "مصطفوس" أن ذلك دليل قاطع على أن الثورة اليونانية هى أجندة مصرية لإعادة تقسيم اليونان، وفى نهاية كلامه صمت الفنان "عمروس مصطفوس" قليلاً ثم صرخ قائلاً "هتلاعبنى بالأفلام هلاعبك.. عارفك يا عدوى!!!".
ومن التعليقات الأخرى التى أوردها النشطاء:
- إلى ثوار اليونان: فككوا من الرئيس أسقطوا المشير الأول.
- "اللى لسه صاحى من النوم أحب أقوله إن اليونان حصل فيها ثورة على السريع كده.. بدأوا الساعة 2 وخلصوا على الفجر.. وتم حرق عدد 2 قصر رئاسى و27 مبنى حكوميا و1 برلمان و8 مبانى أخرى ولا يوجد أى قتلى.. غلابة معندهمش خرطوش".
داعية يونانى: أنا من هنا بقول لمبارك.. "يا واد يا مُلهم".
خبيبى خاريستو أوعى المسير ييجى يقولك أنا أخمى الثورة.
عاجل || ا.ف. اليونان| الجنرال كوستا الروينى: حركة 6 إبريل اليونانية تلقت تدريبات فى الإسكندرية تحت كوبرى ستانلى.
التليفزيون الإغريقى: مفيش مظاهرات ولا حاجة والدخان اللى فى الصورة دى بسبب اللحمة اللى بيشويها المواطنون الشرفاء.
عاجل من التليفزيون الإغريقى إلى المتظاهرين فى ميدان التحريريوس برجاء مغادرة الميدان فورا هناك أشخاص متوجهون إلى الميدان بالمنجانيق لحرقكم.
نصائح منا لليونانيين: طوبتك ف ايدك، كمامتك فى وشك، خميرتك فى جيبك.
دلوقتى يطلع واحد من بتوع المخططات يقولك اللى ورا أحداث اليونان حركة 6 إغريق.
المجلس العسكرى اليونانى يتهم حركة 6 إغريق بتلقيها معونات مصرية.
الطرف الثالث جاله عقد احتراف فى اليونان.
عاجل أحد المواطنين الشرفاء اليونانيين: اللى بيحصل فى اليونان مؤامرة وكل واحد من الثوار بياخد وجبة فول وطعمية من الشبراوى المصرى وخمسه جنيهات.
اتضح أيضا هناك خطة أمريكية إسرائيلية لتقسيم اليونان لأربع دول أرسطوية + أفلاطونية + خرسيتوية + أوناسيستية.. وقد صرح بهذا المطرب اليونانى عوميرو موصطافيونى.
المطرب حمادوس هلالوس: شهداء اليونان ماتوا فى أحداث اليونان.
رئيس الوزراء اليونانى كوستنتين شفيقس يعلن أنه سيحمى المتظاهرين بحياته وسيرسل لهم البونبونى.
احذروا من جماعة الإخوانوس الجريجوس.. يومين وهيقولوا ليكم إحنا كنا معاكم.. وبعدين هيقولوا عليكم بلطجية.
الدكتور عوكاشيوس يسأل البرادعينوس.. لو عرفت غصن الزيتون فيه كام زتونة حنتخبك رئيس اليونان.
عارفين أحلى حاجة فى اليونان إيه؟.. إن مفيش مسئول هيطلع يقول عناصر أجنبية لأن اليونانيين أصلاً أجانب.
الفنانة اليونانية برادوسا تطالب بوقف الاحتجاجات فورا، وتؤكد أن ابن أختها يشتهى بيتزا عم ماركايز ولكن مطعمه مغلق بسبب الثورة.
أنباء عن أن مصر ستستكمل ثورتها بعد انتقال الطرف الثالث إلى اليونان..قولوا يااااااااااااارب.
يعنى إيه كوك زيرو؟ يعنى بعد كل المؤامرات الصهيونية الماسونية الأناركية لحرق مصر، اليونان هى اللى تولع.
خبر عاجل| الرئيس اليونانى.. لم أكن أنتوى الترشح لفترة رئاسية جديدة.. ولم أكن فى يوم طالب جاه أو سلطة.
جماعة إحنا آسفين يا خرستو تعلن دعمها الكامل للريس.
عاجل أنباء عن اعتقال الناشط السياسى وائلس غنيموس مؤسس صفحة كلنا أنطنيوس سعيدوس.
الحاج عبد المنعم اليونانى: الخروج على الحاكم اليونانى حرام شرعاً.
الحكومة اليونانية تتهم حركة 6 إغريق والاشتراكيين الفينيقيين وحركة كفايونى بزعزعة أمن واستقرار اليونان.
بيرجوس من أسبرطة للقناة الأولى اليونانية: كانوا بيوزعوا شلنات وبرايز ووجبات فول وطعمية وكشرى.. وبيتكلموا أرابيك لانجويتش كويس جداً.. لالالالا مش إحنا.. مش احنا والله.
"إيرخل يعنى إيمشى يلى مبتفخمشى".
أنباء عن إندساس عناصر مصرية فى أثينا بتفرق عالثوار رغيف كفتة وخمسة وعشرين جنيه.
وزير الداخلية اليونانى أبراماكيس إيساويكس: لا علاقة لى بالداخلية من يوم السبت مساء والفنجريوس وبدينيكس هم المسؤولين.
نداء عاجل للسيد الراجل اللى ورا عمر سليمان عندك طلعة لليونان.
منصوروس عيسويس: إحنا معندنوش قناصوس.
حزب الكنبوس يدعو إلى مسيرة تأيد للمجلسوس العسكريوس فى ميدانوس العباسيوس.
حزب الكنبوس اليونانى.. إيه اللى مودى اليونانين عند وزاره الداخلية "هرام عليكو خربتو البلدوس".
الفنانة عفافوس شعيبوس تستغيث ولاد أخويا كوستا مش لاقيين ريش وكبابوس وبيتزوس وبيعيطوا.
عاجل: أكد الفنان اليونانى طلعتيوس زكريوس تناول المتظاهرين اليونانيين للمخدرات والخمور.
يونانى.. قصدك تقول إنت نانى.. يعنى مانشستر يعنى برتغال يعنى كولمبوس يعنى عميل لأمريكا.. لا يا عدوى أنا فاهمك كويس!
عاجل| مطلوب بيتادين وقطن وشاش وكمامات وتبرع بالدم بالمستشفى الميدانى بميدان الإغريق فى أثينا البلد.
ظهور بعض الإغريقين يقولون "خرام أليكوو هتقسموا اليونان هو ده اللى اسكوتلندا عاوزاه".
صفحة كلنا كوستا سعيد تدعو اليونانيون للتظاهر السلمى غدا عند الإكروبولس اتجاها للتحريريوس.
بعد دخلة الزمالك اليونانية فى ماتش الإسماعيلى.. أثينا عاصمة اليونان احترقت بالأمس.. الزمالك الراعى الرسمى للثورات.
تامريناكيس بتاع غمره من أثينا: أنا سمعتهم بيتكلمو جريجى لانجويش كويس وبيوزعو دراخمات ويورو.
اااه ياليوناااان.. كنتى فين من زمان.
بعد كام يوم هتحصل موقعة التنين.
المكتبة الوطنية بتتحرق.. وإنقاذ كتاب وصف اليونان.
- ايه الثوره اللى ملهاش طعم ده!.. هى الثوره ايه غير قنابل مسيلة للدموع وخرطوش وقتلى وشوية حاجات فوق بعضها كده!